عسى مازعلتك البارح وزودت الجراح جـراح
عسى مامرت الدمعة على اهدابك من اسبابـي
جرحتك من كثر شوقي وخليت الكلام رماح !.
ولا ادري شلون ياعمري طعنتك حيل بعتابي ..
بدون شعور صدقني ترى كثـر الغـلا ذبـاح
تعال شوف بغيابك غلاك شلـون سـوا بـي
حرام تغيب من عمري وتعطيني الفراق وشاح
حرام الدمع في عيني مناديلـه هـي اهدابـي
غيابك يشغل عيون الزوايـا وامتلـي اشبـاح
وانا انثر صوتك بقلب المكان واشعل ابوابـي
تلفت للامل دام الرجا فـي عمـري المنـواح
اناديلك ولو شرهك واصولك تقطـع اعصابـي
أبيك الجاي من عمري أنـا ما ابيك شى وراح
مادامك اجمل واخـر مادامـك أول أحبـابـي
ابي ارتاح ياعمري انا ادري هم تبـي ترتـاح
تعال وقبل ما افرح تـرى تفـرح بـك ثيابـي
أحبك يا بعد عمر الحزن والجـرح والافـراح
أحبك كثر مانامـت عيونـك داخـل أهدابـي
:: من ماعجبني ودمتو بخير
عسى مزعلتك البارح وزودت الجراح جراح
العرض العادي
