تزوجها بعد رجل وعلى طول ( طلقها )

[اسم العضو]

السلام عليكم ورحمة الله وبركاته

تزوجها بعد رجل وعلى طول نحر الرياض وهم بمنتصف الطريق نزل للبقاله يبي يشتري عصير وبسكوت وبعض الأغراض للمحروسة
ولكن عند عودته من البقالة لم يجد المحروسة وينها انهبل معقول مخطوفه في مكان عام ومزدحم بالناس واثناء البحث عنها وجدها جالسة بالبوفيه مع الرجال تاكل سندوتش ولاعلى بالها من أحد , سحبها من يدها وقال لها أنتي مهبوله جالسة تاكلين بالبوفيه مع الرجال ورى ماعلمتين أجيبلك يلي تبين ...

جاوبت بكل برود مافيها شي كنت جوعانه ونزلت وطلبت سندوتش همبرقر كنت مع زوجي الأول متعودة على ذلك انت وراك معقد !!!!

كانت متعودة مع زوجها الأول تعمل كذا وأمور أخرى على طول ديور ورجع لبريدة ونحر بيت اهلها وطلقها وارسل ورقتها فيما بعد

هل الرجال أستعجل في الطلاق ؟؟؟؟؟


سلام....

[سوسو ام بندر]

هههههههههههههههه من وين ذي بنت الحلال

شكلها متربية في اسكندولافيا (((((( ماتدري وين هي فيه

بعدكثر خيره الي تمالك اعصابه ماعطاها طراقين

[جوان2007]

هذي مخربتها ..عاد تدخل بوفيه كلها رجال

وبدون استأذان حتى لو هي داخله مكان للنساء ماستئذنت ولاشي

تمشي على كيفه..بس فعلآ استعجل من المفترض ان يقوله انا غير ورجلك الاول غير !!!

انا عندي انظمه معينه<<ويقوله جميع القوانين المناسبه لطبايعه اذا شافها ماتنفذ يكرر التنبيه

واذا ماستجابت ..يفعل مابدى له موعلى طول يطلق من اول خطأ..لو على كذا

ان كان تشوف كل البنات مطلقات من الاخطأ الي ترتكب اول الزواج

مشكوووور على الموضوع....

[بــرمــودا]

ياخوي شايفنا دبش قدامك قاعد تولف علينا ,,,ولا سباحين أم العنزين ,,, شكلك مكثر شرب اللبين هالظهر ونقز مر وكتبت هالموضوع اللي يطق للخيالي بإصبع....تحيتي لك

[غلا الدنيا2007]

المفروض يصكه كف يعدل وجهه ويروح ويخليه عشان تادب وجع والله تمون

[•°سـرىآ اللـيـل°•]

هذي صيد غر شكله هههههههههههههههههههههه

بصرااحه تستاهل اللي جااه ,,

الله يكفينا شر ..

[قلب الأسد]

شفها تزوجت بعد رجل ثاني انا ابصم بالعشره تطلقت من الاول بسبب تصرفاتها
هذي مامثل يجيها زوج يخليها سنعه ويريبها من جديد .

[لعيووووونك]

ليس كل ما يروى يكتب يا أصحاب الأقلام والأمانة .
فصيغة (الجزم) قد تكون وبالا على صاحبها يوما ما , كما هو الحال في بعض ردود الأعضاء هنا
وقبل أنزال خبر أو غيره من هذه الأمور , يجب التأكد حتى لا يكون أعضائنا مرتعا لبث الشائعات !
أما إذا الموضوع ناتج عن مجرد معرفه منك في هذا الأمر والتشاور مع بعض الأعضاء في القرار المناسب .. فا يالزوجه خبله وعقليته لكل عليها
وأما الزوج أستعجل في قراره .. يعلمها الاصول والمعرفه في عاداتنا وتقاليدنا وإذا ما فاد هذا الشيء ولا تفهمت فا مجبور عليه طلاقها مع مرتبة الشرف !

بايوووووووووووووووو

[العريف]

والله بالرغم من تشكيكي بالقصة لكن لا استبعد ان تحصل


يقولون المرأة على دين زوجها !!

[جناان]

يمكن هذي المرأه تريد الرجوع لزوجها الاول
وتزوجت هذا الرجل ليحللها له ..!!

[اسم العضو]

اقتباس:  المشاركة الأصلية كتبت بواسطة سوسو ام بندر     هههههههههههههههه من وين ذي بنت الحلال شكلها متربية في اسكندولافيا (((((( ماتدري وين هي فيه بعدكثر خيره الي تمالك اعصابه ماعطاها طراقين

[align=center]سوسو ام بندر

الرجال طلع عاقل وقال بلا بلا فضائح يلي هذا أولها ينعاف تاليها

وأعطاها ثلاث طلقات بالصدر

سلام...[/align]

[اسم العضو]

اقتباس:  المشاركة الأصلية كتبت بواسطة أصــــ أزرق ـــفر     هذي مخربتها ..عاد تدخل بوفيه كلها رجال وبدون استأذان حتى لو هي داخله مكان للنساء ماستئذنت ولاشي تمشي على كيفه..بس فعلآ استعجل من المفترض ان يقوله انا غير ورجلك الاول غير !!! انا عندي انظمه معينه<<ويقوله جميع القوانين المناسبه لطبايعه اذا شافها ماتنفذ يكرر التنبيه واذا ماستجابت ..يفعل مابدى له موعلى طول يطلق من اول خطأ..لو على كذا ان كان تشوف كل البنات مطلقات من الاخطأ الي ترتكب اول الزواج مشكوووور على الموضوع....

أصفر أزرق

قال أخذها من قاصرها بلا أنظمه بلا بطيخ عاى أخر عمري أربي ومتى تتعود الا أطلقها وأرتاح


سلام...

[عبدالله الحلوه]

أسم العضو


ليست المشكلة بنوع الموقف والحدث بل بتفكير الرجل

فمن يقدم على الزواج من مطلقه او ارمله يجب ان يدرك بأن المقارنة بينه وبين الزوج الأول ستكون حاضره وعليه ان يتعامل مع هذا المنطق بعقلانيه ومع المواقف بحكمة واتزان

بكل اسف هذا الزوج لم يثأر لذات الموقف بل للمقارنة بينه وبين غيره فكان قراره متعجلاً لأنه ادرك في لحظة من اللحظات بأن المقارنة ستنشأ في كل موقف

اتفق معه في قراره إن كان ليس لديه القدره على تحمل تلك المقارنة والتعامل معها بحكمه مع اختلافي معه حول زواجه من مطلقه اساساً دون الأستعداد لهذه المقارنات


تحياتي

[اسم العضو]

اقتباس:  المشاركة الأصلية كتبت بواسطة برمودا     ياخوي شايفنا دبش قدامك قاعد تولف علينا ,,,ولا سباحين أم العنزين ,,, شكلك مكثر شرب اللبين هالظهر ونقز مر وكتبت هالموضوع اللي يطق للخيالي بإصبع....تحيتي لك

[align=center]أبو خالد تكرم من الدبش انت مازلت في نظري انسان !

لكن أحمد الله انهم شالوك من الأشراف ولا كان موضوعي هذا في المحذوفات مثل العاده لكن الله بالمرصاد


سلام...[/align]

[اسم العضو]

اقتباس:  المشاركة الأصلية كتبت بواسطة ريم الجزيره     المفروض يصكه كف يعدل وجهه ويروح ويخليه عشان تادب وجع والله تمون

[align=center]ريم الجزيرة

لا ما وصلت للضرب مامثل بيت أهلها

سلام...[/align]