انا اتوقع ان موضوعي هذا بيوصل اربع صفحات ( الله يستر )

[د / ماسنجر]

[align=right]السلام عليكم ورحمة الله وبركاته



انتم عارفين مين دكتور ماسنجر يعني ماودي اقعد واوصف لكم واكتب شيء عني لان الحمد لله انا سمعتي زينه ( ماودك تعطيهم الزبده )

في هالمنتدى الرائع وفي خضم انزلاقات الفكر وفي خضم تبقّل النفوس ( بتشديد القاف ) (1) ... لاحظت من خلال متابعتي اللي راحت ان بعض المواضيع ما يمدي راعيه ينزله الا ومااااغطه خمس ست سبع صفحات ؟؟؟

لدرجة اني اقول اللهم حوالينا ولا علينا .....

تقول داخلين يتكامخون مهب داخلين يتناقشون وش السبب

يعني مفروض الواحد قبل يناقش موضوع معين لازم يدرس النقاط يعني مثل موضوعي هذا ؟؟ مفروض الواحد يدرسه نقطه نقطه ويتعب على رده عشان يضرب حساب ردي له !!!! ( مهوب عاقل كارول هاريس )

اتكلم جد معكم لازم ندور حل لهالمشكله حتى اننا نشوف بعض المواضيع على طوول تصك بالشمع الاحمر زين ما صار بالشمع الفسفوري .... يعني لازم يكون هناك مداعبه من الاعضاء وروح رياضيه خاصه بما ان اليوم مباراة الاهلي والاتحاد

اللهم مير يخليكم لاهلكم ... ويخليكم ذخر لمنتدى بريدة ....
========
الحاشيه :
1- تبقّل النفوس : يعني بعض الناس يدخل للمنتدى توه اكل له بقلتين او ثلاثه ويدخل ونفسه شينه همن يهاوش ... ( بتصرّف ) .

كراتين ورداتي ودرااازن اشواقي
دكتور مس مس[/align]

[# الزلزال #]

شكلك .. مكثر من البقل اللي تقول <<< وشو البقل

يعني بكلة بنات

بكرا مو اليوم

مباراة الاهلي .. والاتحاد

طرح يلامس الواقع نوع ما ..

وسبب وجود بعض المواضيع اللي تأخذ فوق حجمه قلة عقل

بعض الناس يدرون ان الموضوع بقصد الاثارة ليس ألا ويطيرون ردود وهوش

لي عودة متعقلة .. تحياتي

[DaRk MoOn]

صحيح اخوي الواحد يدخل موضووع وماهو فاهم الموضوع او هدفه من رده انه يثبت تواجده

لكن على كل من يرد على موضوع ان يفيد بردووده وان يفهم الموضووع وان يكووون جاد بنقاشه وان مايرد اللا لانه حاس بالمشكله اللي يناقشها الموضووع عشااان يعطي وينااقش بصدق ويرد لمعرفته واحاطته للماده المطروحه ليفييد ويبيين خفايا وحقائق ويعطي نتائج وحلوول لما طرح

وان يشارك غيره بتجاربه

اشكرك اخوي على طرحك المفيد

[د / ماسنجر]

اقتباس:  المشاركة الأصلية كتبت بواسطة # الزلزال #     شكلك .. مكثر من البقل اللي تقول <<< وشو البقل يعني بكلة بنات بكرا مو اليوم مباراة الاهلي .. والاتحاد طرح يلامس الواقع نوع ما .. وسبب وجود بعض المواضيع اللي تأخذ فوق حجمه قلة عقل بعض الناس يدرون ان الموضوع بقصد الاثارة ليس ألا ويطيرون ردود وهوش لي عودة متعقلة .. تحياتي

المباراة بكرى بعده اهم شيء نتحمس من هالحين

زين ان موضوعي يلامس الواقع يا انك رفعت من معنوياتي ...

بس ما تلاحظ ان بعضهم يضغط موضوع جديد وينزل اي موضوع ما يتجاوز كم سطر همن شف العجاري به والمرابيع ... يعني حرام كذا قصدي حرام كييذا


ورداتي لك سلااام

[د / ماسنجر]

اقتباس:  المشاركة الأصلية كتبت بواسطة DaRk MoOn     صحيح اخوي الواحد يدخل موضووع وماهو فاهم الموضوع او هدفه من رده انه يثبت تواجده

اول شيء انا ضاق صدري يوم دريت ان امك بالمستشفى الله يقومه بالعافيه ويشفيه من كل مكروه .....

ثانيا على قولتك ينزلون المواضيع مابه هدف ابد يعني تلقاك تقرا وما تحس ان فيه شيء يستاهل الرد ؟؟؟؟ بس عسى ما يرمي واحد كلمه على الثاني الا وتشوف الفزعات

اقتباس: لكن على كل من يرد على موضوع ان يفيد بردووده وان يفهم الموضووع وان يكووون جاد بنقاشه وان مايرد اللا لانه حاس بالمشكله اللي يناقشها الموضووع عشااان يعطي وينااقش بصدق ويرد لمعرفته واحاطته للماده المطروحه ليفييد ويبيين خفايا وحقائق ويعطي نتائج وحلوول لما طرح وان يشارك غيره بتجاربه اشكرك اخوي على طرحك المفيد

يا عييييينييي عليك ياخي احس ان افكارك زي افكاري سبحان الله

هذا اللي ابيه ان الواحد يرد ويكون فاهم وش يكتب عارف وش يرد عليه وش الموضوع اللي بيناقشه وش الموضوع اللي بينزله للناس والاعضاء ؟؟؟

اهنيييك على فهمك يالغالي

ورداتي لك سلااام

[Queen of buraydh]

مب غريب علي هالاسلووووب .!!

[د / ماسنجر]

اقتباس: مب غريب علي هالاسلووووب .!!

وانتي اكثر

[فتاااة النهر]

التعجل سمة تغلب على ابناء هذا البلد << وش عنده

صدقت خيوو وانا اعترف اني من اكثر الناس عجلة بالرد على بعض المواضيع

في منتديات كثيرة

واكتشف بالاخير اني فاهمه غلط ,,

لكن ارجع واعتذر من صاحب الموضوع ,,

لكني ولله الحمد احاول قدر استطاعتي اني اهديء من نفسي واركد روحي عند الرد ,,

كلامك درر خيووو

يسلمووو

[سارة عبدالعزيز]

أنا أرد على حسب فهمي لما كتب
وهل تريد مني أن أنتظر أن يأتي أحدا
ويقوم بشرح مفصل لما كتب
فأنا في منتدى أكتب وأنمي موهبتي الكتابية فيه
ولا أحب عين الناقد ترقبني .
فأنا حرة هنا وبدون قيود,,,,,,,,,,,,

[عاشقة الطير]

اخوي د/ ماسنجر
احترامي لك وتقديري لك انت وموضوعك
قص راسي إذا فهمت شي او جبت مضمون الموضوع
داخله وانا متنحه والموضوع تنحني زياده <<<اقوول احسن شي كرمينا بسكوتك وشوله قاطه عمرك معنا خخخخخخخخخخ
تقبل مروري

[د / ماسنجر]

اقتباس:  المشاركة الأصلية كتبت بواسطة فتاااة النهر     التعجل سمة تغلب على ابناء هذا البلد << وش عنده صدقت خيوو وانا اعترف اني من اكثر الناس عجلة بالرد على بعض المواضيع في منتديات كثيرة واكتشف بالاخير اني فاهمه غلط ,, لكن ارجع واعتذر من صاحب الموضوع ,, لكني ولله الحمد احاول قدر استطاعتي اني اهديء من نفسي واركد روحي عند الرد ,, كلامك درر خيووو يسلمووو

يا ملحي يا ناس

حلو انك تعتذرين طيب وش فيها !!!

بلاك من اللي يخش بعينتس كنه فاهم الموضوع .... وهو من جنبها


ورداتي المغلفه لتس سلااام

[د / ماسنجر]

اقتباس:  المشاركة الأصلية كتبت بواسطة سارة عبدالعزيز     أنا أرد على حسب فهمي لما كتب وهل تريد مني أن أنتظر أن يأتي أحدا ويقوم بشرح مفصل لما كتب فأنا في منتدى أكتب وأنمي موهبتي الكتابية فيه ولا أحب عين الناقد ترقبني . فأنا حرة هنا وبدون قيود,,,,,,,,,,,,

بسم الله علينا ... لا ورى ما تجين وتلفعينن أزين ( إي هين )

ماشاء الله عليك كلامك سلس ومحبوك ومفصل ( تيور هو ؟ )

اهنيك على ثقتك بنفسك الله مير لا يضرك

بالعكس كلامك منطقي وحلو لما تكتبين انتي من خلال فهمك ؟؟؟

وكم مره اقول بلاك من اللي ما يفهم ويجي يخش بعينك

ورداتي المعطره لتس

[&نجدية كووول&]

أنا أزيد على كلامك ..ليش بعض المواضيع على طول تحذف أذا نزلت هاذا اللي يقهر>>>>منقهرررررره

ولا زياده عدد الصفحات..أذا موضوع له هدف فيكون قليل..أما أذا كان موضوع سواليف فيكون كثير

[د / ماسنجر]

اقتباس:  المشاركة الأصلية كتبت بواسطة عاشقة الطير     اخوي د/ ماسنجر احترامي لك وتقديري لك انت وموضوعك قص راسي إذا فهمت شي او جبت مضمون الموضوع داخله وانا متنحه والموضوع تنحني زياده <<<اقوول احسن شي كرمينا بسكوتك وشوله قاطه عمرك معنا خخخخخخخخخخ تقبل مروري

طيب معك سبوره ودفتر ابو ميتين وقلم ازرق ناشف ؟؟؟

( ايه )

اوكي ..

انا اقصد الهواش والطقاق اللي ببعض المواضيع لين ما يحذف .. باختصار .. فهمتي اور لا ؟؟؟


سلااام

[قلب الأسد]

[size=8][color=#FF0000]هلا بالدكتور : نعم البعض عندما يقراء الموضوع بسرعه يكون الرد خارج الموضوع
.لايتوقف قليلا ليرد برد يكون بصلب الموضوع وفاهمه .اما بالنسبه
للهوش اللي تقول .مجرد اخذ وعطا لازم يكون فيه رد قاسي ورد
عادي ورد حلو ورد مضحك .بس المهم ان صاحب الموضوع يكون
عنده روح رياضيه مهما كان الرد قاسيا.
شكرااااااا[/size[/color]]