صينيه البطاطس بالباشميل والدجااااااااااااااج <<<لاتفوتكم

[سـمـا]

وشلونكم وش اخباركم عساااااااااااكم طيبين

المهم اليوم قلت ابكتب لكم صينيه تصلح بالعشاء تاكلونهاااااااا مع خبز اومع رزايات

بس بصراحه لاتفوتكم تراه شي

ودي والله احطه بالصور بس

الجوال ياطلبكم الحل ساابح وغارق الله يرحمه ويعوضن الله احسن منه <<<<عاد

اللي وده تشريلي جوال عادي موب مشكله ماعندي ماانع

المهم نرجع لمحور حديثنا<<<ياحبتس للسواليف ابد ماتشبعين قرق



يالله بنحط المقاااادير والطريقه مرتن وحده

طبعن الكميه على حسب اللي بيبلعووون

اسلقي بطاطس وقطعيه حلقات عريضه وصفيه بالصينيه

اسلقي الدجاجه وقطعيه الى شرائح وبعد ماتقطعينه تبليه ((بملح وليمون وفلفل اسود))

تعالي اصبري لاتكبين الماء اللي سلقتيبه الدجاجه خليه على جنب يجي بعد شوي دوره

المهم سوي الباشميل

عاد انا الصراحه الباشميل ناسيته لاني طحت بالجاهزه اللي بالقراطيس بس اجيبه وحط عليه الحليب والمويه حقت سلق الدجااااااااج

بعدين جيبي الصينيه اللي انتي حاطه فيها البطاطس

وحطي عليها جبن موزاريلا المبشووور

بعدين حطي نص الباشميل

وبعد ذلك حطي شرائح الدجاااج المتبل

وبعدين حطي باقي الباشميل

عاد بالاخير حطي عليه جبن موزاريلا وجبن البارميزان المبشوووووووور

ودخليها الفرن من تحت لمده تقريبن عشريين دقيقه

وبعدين ارفعيه فوق بالفرن شوي لين تحمر

وانتبهوووووو لاصابعكم لاتكلونهاااااااااااا

واللي مو فاهمه شي تبلغني اعيد واكرر

وتراها مره سهله وطعيمه

وبالعاااااااااااااافية

[بدرالوابلي]

يازين المره لاصارت تحوف الطبخ ماشاءلله عليك يام ارجوان ........ الله يرزقنا !!!!

المشكله نقرا ونتشهوى ولاتذكرنا الواقع صفينا على جبن كيري وصامولي ولااحتدينا على مطاريس المصاريا والسواريا .....والضحيه بطوننا ماغير نتلوى ونتبعرص فوق السيراميك بالصاله ؟؟؟





الله يرزقنا الصبر.....؟؟

وتحياتي لك ياام ارجوان والله يخلي لك ارجوان وابوها .

[جورينا]

ام ارجوان ؛؛

حياك الله يابعدي ؛؛

اقتباس: وشلونكم وش اخباركم عساااااااااااكم طيبين

بخير يامال العافية وشلونك انتي ؛؛

اقتباس: المهم اليوم قلت ابكتب لكم صينيه تصلح بالعشاء تاكلونهاااااااا مع خبز اومع رزايات بس بصراحه لاتفوتكم تراه شي

الله يعطيك العفية ماقصرتي هاه ورينا وش عندك ؛؛

اقتباس: الجوال ياطلبكم الحل ساابح وغارق الله يرحمه ويعوضن الله احسن منه <<<<عاد اللي وده تشريلي جوال عادي موب مشكله ماعندي ماانع

عوضك الله باحسن منه ان شاء الله اخر موديل ؛؛

واذا تبين جوال رهيب عندي الحين

اقتباس: المهم نرجع لمحور حديثنا<<<ياحبتس للسواليف ابد ماتشبعين قرق

ياملحك انتي وقرقك ليتك مكمله ؛؛ ههههههههههههه

الله يعطيك العافيه يابعدي على هالوصفه شكله روعه ماقصرتي ؛؛



وربي مايحرمن من وصفتك وقرقك العسل ؛؛

رعاك الله

[سـمـا]

بدر مشكوووووووووووور الله يعطيك العافيه على هاالاطراء

بدر حاول تتعلم للطبخ مو معقوله تاكل كل شي من المطاعم ومطاريسهم هالوسخيين

ولا اقول لازم تعرس معرس معرس الله لايعوق وعلى يديني

دايم كاسر خاطري اذا قلت ماتلقى احد يطبخلك

مشكووور على المرور

[سـمـا]

فروشه حبيتي هلا وغلا


كان هي على الرهيب لا عندي سبير بس مدري وش اسمه من قبحه مدري وش اسمه شكل نوكيا تحسفت انه طلعته

لذلك ماحطتله اسم


لاتقولي لي كملي القرق قسم كان متصفحات مو متصفح واحد كله قرق

مشكلتي احب السواليف مافي امل اركد واثقل الله يصلحن بس

تسلميلي والله حبيتي على هالطله وعساني مانحرم منك

ويحقق لك ربي مبتغاك وتتيسر لك امورك ياكريم

[*بدايعيه*]

<< تقوطرت سعابيله

وش مدخلني هالصبحيه انا


احب الصياني والبطاطس ... اممممممممم

<< ودي اقول للشغاله تسويه الحين جد اشتهيته ..

بس اخاف تلعني تقول وش تبي ذي مروقه على الصبح



تسلم يدينك .. وما ننحرمش منهاااااااا

[جناان]

تسلم الايادي ام ارجوان
طبخه لذيذه
تستاهلي عليها بيجر خخخ
قصدي جوال اخر موديل

تحيتي لك

[سـمـا]

بديعه

تسلمين على المرور

لا سويها عى العشاء اطعم

اخاف تكلينه وتناميين همن مر على طوووول

تسلميلي على هالطله

[بدرالوابلي]

ام ارجوان

ومن قالك اني ما اعرست ؟؟؟؟
عندي امهر طباخه بالعالم بس مهيب فاضيه لي ؟؟؟؟؟ ماتخبرين لي مسيار !!!! اهم شي تصير طباخه لباخه ؟؟وحقك محفوظ يام ارجوان وبالدولار كمان !!

[سـمـا]

تسلميين جناااااااااااااان على هالطله

بيجر بس من يستخدمه اللحين ولا ودي به


يالله اتحرى الجوال متى

[سـمـا]

يابدر اذا عندك مراءه اجل تمسكبه

وانا ضد المسيااار والمراه الثانيه

ومن اشد المعارضين بعد

ويقال من حفر حفرة لاخيه وقع فيها

اخاف احفرلك حفره علشان تعرس مسياااار همن انا اوقع فيها

فكنا ياشيخ

مشكور على مرورك

[DaRk MoOn]

والله ياليتني ما دخلت ووه بس

وصــفه رائعه وتــسلم ايدينك ان شاااء الله اعرضها لامي يمكن تعرفها او لا

بس جوعااان حيل وامي واخواتي مو فالبيت شكلي اقرب بقااله ولووزين وحمضــيااات


مشكووووووره

[سـمـا]

دريك مون

تشكر على المرور

[العبرى]

وصفه شهيه ومغريه

يسلم الأيادي



تحيتي,,,

[رغووده100]

مشكوووووووووووووووووره على الطبخه وابصلحه انشاءالله
بس الدجاج مافهمة هو متبل بس وشلون ؟؟؟؟؟؟؟؟؟؟؟؟؟؟؟؟
انا اقول يمكن نصلحه زي الشاورما يعني مكشن مع بصل وجزر يمكن يضبط
وش رايك