[poem=font="MS Sans Serif,4,sienna,bold,normal" bkcolor="transparent" bkimage="backgrounds/45.gif" border="none,4,gray" type=1 line=0 align=center use=ex num="0,black"]
جيتك كليلً والحشى شوق ضامي = جيت أتناسى غربة أيام وهموم
يا ملهمٍ شعري و غاية مرامي = قلِّي علامك شاحب الوجه مكلوم
طرفك كسير ٍ صار ركنك هدامي = صمتك مخيف وصوت الاحباب معدوم
ليه القمر زعلان خلف الغمامي = ليه النخل زعلان والباب مردوم
شمسك توارت حل ليل وظلامي = ليلك كئيب يخفي اخبار وعلوم
وطيور غنت مع هديل الحمامي = فرت وصارت للخفافيش والبوم
وايام مرت فيها عز ومقامي = امن البطى صارت حواديت وحلوم
هذي حقيقه ولاَّ حلم ومنامي = أو عيني زاغت والبصر صار منجوم
قلبي ضعيفٍ مل حزن وملامي = قاسى الشقى من مُر الايَّام واللوم
ان ونِّ قلبي ون مفصل عظامي = يعزف على قلبي مواويل وكلوم
يا حزن عيني صار شوفي جهامي = بالدمع جادت من صورايف وثلوم
يا دار ردي لو تحية سلامي = إلا على قتلي ترى السيف مسموم
وسلامتكم
[/poem]
العرض العادي
