عسى بفستانها أشواك .. و في ثوبه عقارب سود

[الملتاعه]

[align=center]

قصيدة لـ الشاعر ( فهد معتوق / ساقي الشوق ) دولة الإمارات



ثلاث سنين انا اخطط لهذا اليوم يـا بـو سعـود
تيسّـر حالـي و جاهـز اوفّـي وعـدي بوقتـه

و فجأه جتني تتعـذر .. تقـول تأخَـرَت لوعـود
و انا مستغرب و اسمع كأنـي وعدهـا خنتـه !!

حسبت انها تمازحني و تتصنـع جفـا و صـدود
ضحكت بوجهها من قلب.. مع انْها بايخه النكتـه

و قالت ارضى بالواقع .. قلبـي ماهـو المعهـود
تغير كل شي صوبك .. نصيبي ما اظـن انتـه !!

كنت ف يوم محبوبـي و لكـن مـا اظـن نعـود
وصل من قبل ما توصل .. و انا ذاك الصبر عفته

و لكن تكفى صدقنـي و يشهـد ربـي المعبـود
ترى ما خنتـك بغفلـه .. ولا كلمتـه و شفتـه

صراحه اهلي قالوا لي بأنه ولـد اصـل و جـود
و جتني امه بالصوره .. و بكلمات المـدح اختـه

سكت و قلت هي فرصه مدام الجود في الموجـود
و قالوا كل من حولـي علامـات الرضـا سكتـه

و انا فكرت دام امـه و اختـه مـا عليهـم زود
اكيـد انـي براضيهـم اذا وافقـت و اختـرتـه


و اراضي اهلي و اخواني مدام ان الفرح مقصود
عطيت الناس انا كلمـه ومعاهـم وقتـي حددتـه

و لا اقدر اغيرها .. ترى عنـد العـرب منقـود
اوافق و اعتذر باجر و اقـول الـراي غيرتـه !

تبي تشرح لي المنقود .. تصدق عاد يا بو سعود؟
تبيني اقتنع و ارضى بحال ٍ عمـري مـا عشتـه

انا ماني بقايلها .. عسـى يفـرش ثراهـا ورود
بعد ما حطمـت قلبـي و طعـم المـوت جربتـه

عسى بفستانها اشواك .. و في ثوبه عقارب سود
و نار ٍ تحرق الكوشـه و تحـرق بيتهـم حتـى

و موت بليلـة الدخلـه يبـرد حرتـي يـا كـود
ولا احس انهـا بحضنـه يلامـس خـد لامستـه

علي اهون اذا ماتوا ولا بنفـس السريـر رقـود
ترى صعـب ٍ علـي اتخيـل اللـي مـا تخيلتـه

عسى قاع الثرى يقسى و يتحول صخـر جلمـود
و حفار القبـر يرفـض يسـوي فـوق مقدرتـه

ترى دفنة عديم الذات تلـوع حتـى كبـد الـدود
و من خان العهود و مات تعافـه حتـى مقبرتـه

عسى ربي يجازيهم بحبـل ٍ مـن مسـد ممـدود
يعلقهـم مـن اطرافـه و فوقـه نـار ٍ و تحتـه


انا ماني حقود و شين ولاني مـن نسـل نمـرود
ومن حط نفسه بوضعي بيقـول اللـي انـا قلتـه

مدام الفعل لـه ردة فعـل والله ابشـري بـردود
بدعـي دامنـي حـي ٍ و بغـرس للدعـا نبتـه

و بسقيها نزيف القلب و دمع ٍ ما رحـم لخـدود
و تكبر و الثمر ثاري من اللي خاننـي و صنتـه

انا نذرٍ علي اكتـب و افجـر هالقصيـد رعـود
و اسمّع كل بشـر صوتـي عجبتـه ولا زعلتـه

و اردد للي يسمعني .. اذا حبيت ( حط حـدود )
انا حبيت دون حـدود و شـوف اللـي تكبدتـه

ثلاث سنين انا ابني و جت ( صوره ) بكل بـرود
خذت مني شقى عمري و حلم ٍ ( قلت ) حققته !!!

ثلاث سنين انا اخطط لهذا اليوم يـا بـو سعـود
وتوافق من كلام اخته .. و صـوره ( 4 ف 6 )[/align]

[ămōяẻ]

ررررررررررررررررررائعة

وصح لسانه

وشكرا لج
ع انتقائك العطر

[memebo]

[align=center]

اقتباس:  المشاركة الأصلية كتبت بواسطة الملتاعه     [align=center] قصيدة لـ الشاعر ( فهد معتوق / ساقي الشوق ) دولة الإمارات ثلاث سنين انا ابني و جت ( صوره ) بكل بـرود خذت مني شقى عمري و حلم ٍ ( قلت ) حققته !!! ثلاث سنين انا اخطط لهذا اليوم يـا بـو سعـود وتوافق من كلام اخته .. و صـوره ( 4 ف 6 )[/align]

هذا البيت هو اللي يقهر

ياربي تقطع القلب القصيدة

صدق البنات مالهم امان (( بس مو كلهم ))[/align]

[العندليب]

رائعة وقوية .. مشكورة الملتاعه على إختياركــ

[الملتاعه]

عموري شكرا لك متابعتك

دمت بووود

[مياسة]

سمعتها والشاعر يلقيها .. الصراحه مؤثره باحساس الشاعر .. شكراً ملتاعه

[وليد الطريقي]

اقتباس: ترى دفنة عديم الذات تلـوع حتـى كبـد الـدود و من خان العهود و مات تعافـه حتـى مقبرتـه

خيااااااااال وروعة هذي القصيدة

الحقيقة تصف بواقع مرير حال خيانة العهد

شكرا ملتاعة لك على النقل الجميل ...

[the-moon]

[align=center]واااااااااااااوك ياهي تشب التسبد
والله بعذره ياحول
وصدقت نقد يوم تقول الحرمه مالها وفاء بالحب
اخسي واقطعي ياحول المسيكين

اقتباس: ثلاث سنين انا اخطط لهذا اليوم يـا بـو سعـود وتوافق من كلام اخته .. و صـوره ( 4 ف 6 )

[/align]

[الملتاعه]

حتى أنا سمعتها صوتيه يا مياسه من جد تبكي والله

دمتي بووود

[الملتاعه]

وليد

ذا مووون

شكرا لكم

[الفتـ الذهبي ـى]

روووعه ويسلم اختيارك الرائع..

[الملتاعه]

تسلم والله الفتى

دمت بووود

[متغربه]

حرااااااااااام تقطع القلب


مشكوره كلك ذوق عالقصيده الحلوة

[متغربه]

بحثت عنها وسمعهتاا

روووووووعه قصيده من قلب مجروح فعلا



راااااااائعه وكلك ذوق

[جناان]

ابيااات قوية
تبين مدى الالم الي هو عاايشه.!!

تسلمي
الملتاعه