بس البنات يدخلون ولا تطلع الا وهي راده

[بنت الوجيه]

السلام عليكم ورحمة الله وبركاته
الله جزاك الف الف خير انك دخلتي و ما كسرتي بخاطري








الموضوع..........









الموضوع و ما فيه اني عندي درهم والحمد الله والشكر على فضله





وابي اسوي مشروع.........
وعباره عن مشغل نسائي .............لاني والحمد الله شاطرة بالمكياج والتسريحات واخذه دورات وابغا اديره بنفسي ويكون اناشاء الله سبب في رزقي
والموقع واناشاء الله شبه انتهيناء مع صاحب الموقع وهو بشارع المشاغل
لكن اللي ابشوركم فيه هو
1-الاسم (ابي من كل وحده الله لا يهينه ثلاث اسامي على الاقل)
2-ايش من وجهت نظرك سبب نجاح المشغل
ابغا همتكم معي و شوركم واكون معكم اول باول عن اي شي يكون جديد يخص المشروع
الله يخليكم لا تخلوني تراي متعشمه بنات ديرتي
والله يوفق اللي تبي ترد على و ماتخليني الله يرزقها وتنال اللي ببالها
انا كتبه موضوعي في منتدى ثاني وحبيت انكم بعد بنات بريدة بالمنتدى يشاركوني بعد
ابي صفحات من الردود

[شمعة امل]

بريدة سنتر..

او

مشغل بنات القصيم..

او

بريداويات سنتر..>>>>>>>يقاله جابت اسماء مشاغل..

والشي اللي راح يساعد على نجاح المشغل أكيد الشغل الحلو وكمان الاسعار..

تحياتي

[بنت الوجيه]

مشكور اختي لو حصل اسم سهل وحروفه اشويه

[iiigil]

امممم

ابداع ...سهرتي .. متميزة..نوت..

اهم شي تطبقين تعاليم الدين وتخافين الله في كل شي ..

[مــنــال]

بداية : الله يوفقك

بالنسبة لإسم المحل ، فــ ممكن :

شيك أو شياكة أو أناقتك و كان عندنا مشغل " لأختي " و قفلته بسبب ظروف خاصة << خبرة يعني

و ممكن تفيدي المحل و تطوريه بأمور كثيرة ، منها كما ذكرت أنسة مطنشة و الله يجزاها خير على التذكير ..

وهو : إتباع تعاليم الدين الإسلامي و فيما يخص المرأة و أيضا ً إمكانك تطويره عن غيره بإدخال بعض البرامج

في المحل كبرنامج " القصات " و هذا البرنامج فيه يحدد القص على الوجه المناسب و كثير كثير ينفع للمترددات

و إللي صعب إقناعهم في قصه معينة .

و أيضا ً ممكن تطوريه بأنك تشتري فساتين العرائس و تأجريها في المحل تفيدي و تستفيدي .

أمممم هذا إللي في بالي الا ّن و أذا أحتجتي أي شيء في أمور المحل أو الإدارة

راح أساعدك و كمان راح أخليكي تتواصلي مع أختي إذا حبيتي وهذا سبيشل عشانك بس

و مبروك عليك المحل مقدما ً .

[الملتاعه]

مبروووك عليك المحل مقدما

والأخت منال ماقصرت بتفيدك الخبره أهم من الإسم

[مــنــال]

برافوو عليكي ياملتاعة ، عندنا في مكة صالونات بدون حتى تصريح و ماشاء الله لاقت قبول

كبير جدا ً ، و لكن الإسم له من الإستقطاب نصيب

[بنت الوجيه]

اشكر كل البنات اللي ردو ما اقول إلا ياحبيلكن بصرحه الاسمي كلها حلوه بس جاء في بالي اسم ابستشيركم فيه وهو ( لقونا)
واما عن توصيتكم فأسال الله ان يعينن عليها وبيكون عندي ممنوع منعاً باتاً انه يكون فيه شي محرم مثل النمص والتوصيل للشعر ومن ناحية الجوال الكاميره رح يكون ممنوع والعاملات الجوال ممنوع بكاميره او بدون كاميره.........
ومشكوره اختي منال ادري انك ماراح اتقصري بس بغيت اسلك عن برنامج القصات ايش هذا وكيف احصل عليه.........
وبالنسبه لللموقع رح يكون جنب مشغل فربينيا بضبط ورعيته بنت الحلال ماقصرت معي بنسبه لتشغيل المحل مبدئي وسهلت على اشياء كثيره الله يوفقها ويرزقها وأنا ابغا افتح قبل الصيفيه اللي تجي وهمتكم معي وعهداً على انه كل وحده منكم بيكون اول زيارة مجانيه بس الله يخليكم همتكم معي

[Queen of buraydh]

لقونا ؟


مادري يا غاليه بس احسه مو اسم ملفت ..



من رايي تغيرينه ..

طيب ممكن تسمينه

كريستاله

او

توب Tob


وبالنسبه لاسباب النجاح اعتقد الشغل الحلو والاسعار الحلوه .. والديكور برضو له دور ..

[بنت عز]

مرحبا اختي
اولا مبروك مقدماوالله يوفقك بمشروعك 00
ثانيا وش معنى الاسم 00لقونا 00يعني الزباين لقوك والاايش 00
ثالثا من اسماء ابداااع 00فن 00القمه 00شيك 00
بعدين البنات ماقصروا بس اكمل واقول ان امشاغل الان فيها تنافس على العروض 00وياليت تحطين للزبونه الدائمه بطاقه فيها خصم مثل بطاقة العضويه يعني خصم على طول 00ان شاء الله فهمتي وش اقصد 00
والله يوفقك ويرزقك من واسع فضله

[مملكة الخير]

[bor=993366]اولا الله يوفقك ويديم عليك الرزق من اوسع ابوابه يارب ..
_ اضاءات
_ فتيات
_ يورز ...( لكن )
_جود لك ( حظا سعيد )
_ بيو تفل ( جميله
_ ايست ( الشرق )
انشالله اكون افدتك .. تحياتي .. [/bor]

[عتال]

مبرررررررررررررررررررررروك

الذي يحضرني من الاسما ( هندام)يعني المظهر الحسن

[طحينية طعمة]

مبروووك اختي الله يوفقك
( ألماســـة)
( همـــس)...

[بنت البكيريه]

السلام عليكم
مبروك عليك ياختي المشغل والله يعطيك من خيره ويكفيك شره
عندي مجموعه من الاسامي كودهن يعجبنتس ستايلك...فتنة الحفل...نجمة المدائن...الحور العين...الحور...حورية نجد..
اما بالنسبه للاسم اللي اخترتيه( لقونا )مادري ماابي اجاملتس واقول زين لا اللي اشوفه انه مافيه اي انجذاب له وعاد الراي الاول والاخير لتس وبالتوفيق انشالله
ومن دواعي نجاح المشروع وخاصه المشاغل العمل المضبوط والمعامله الراقيه للزبائن وهذا اهم شي وترى نوعية العماله لها دور كبير والعماله المغربيه هي احسن شي فهالامور والعماله السوريه اردا عماله لهالامور
وممكن انتس تستفيدين من الزياره الى مشاغل ثانيه عندك مشغل بيوتي بلاس بعنيزه زوريه وتلقين هناك العماله المغربيه ممكن انك تستفدين منهن مثل انك تاخذين منهن معلومات عن مغربيات هناك يبن يشتغلن بالسعوديه واحس انهن متعاونات و وصيتك عليهن لانهن جدا شاطرات ماشالله عليهن..وابشري بالدعايه والاعلان المجاني مني ومن اخواتي اعضاء المنتدى ونخليتس ماتقدرين تحكين راستس من كثر الزبائن.......واذا تبين رقم المشغل اللي قلت لتس عنه انا حاضره..

[متغربه]

سميه ستايل مع جويل

او الصراحه احلى

لانه هذي اسماء يرامج الموضه والمكياج راح تجذب الانتباه

اهم شي اختي الشغل الزييييييييييييييييييييييييين وسلمتي

علمين تسان جاز لتس الاسم وانا اختس