[align=center]
[align=center]
كل شخص يتمنى ان يرجع الى زمن الطفولة والبراءه والشقاوة
وامام هذه القصيدة التي اخترتها لكم من بعض ابداع شاعرنا المتألق فيصل اليامي 00
أعجز عن التعليق تماما فكلماته كافيه ووافيه 00
أترككم مع هذه القصيدة التي أعشقها متمنيا أن تستمتعوا بها [/align]
ياليت ان الزمن يرجع ورى ولا الليالي تدور
ويرجع وقتنـا الأول وننعـم فـي بساطتنـا
زمان اول احس انه زمانًًًًٍٍ فيه صدق شعـور
نحب ونخلـص النيـه.. وتجمعنـا محبتنـا
زمن ما فيه لا غيبه.. ولا حتى نفـاق وزور
ياليته بس لـو رجـع ونسترجـع طفولتنـا
صغار قلوبنا بيضا..نعيش بعالـمٍ محصـور
ولا نعرف ابد اغراب ما غير عيـال حارتنـا
صحيح صغار فالتفكير لكن ماعلينـا قصـور
نخطط نكسـر اللعبـه.. وتسعدنـا شقاوتنـا
نروح المدرسه بدري ..ونضحك داخل الطابور
نحاول نزعج العالـم فـي روحتنـا وجيتنـا
وعشان نأخر الحصه.. نخبي علبة الطبشور
نشاغـب بـس فالآخـر.. تميزنـا برائتنـا
نحب الضحك والهيصه.. نحب انط فوق السور
نفرفش.. ليه مانفرفش مدام الضحك عادتنـا
ولكن دارت الأيام.. وبان الخافـي المستـور
وصار الهم متعلـي علـى قمـة وسعادتنـا
كبرناوصارت الدنيا تصـف أحزاننـا بالـدور
وتهدينا الألم والهم غصب عن عين رغبتنـا
تعبنا من بلاوينا ..أحد ضايق وأحـد مقهـور
وكـلٍ غـارق بهمـه.. وفالآخـر تشتتنـا
وانا ما أقول غير الا وحلالاه الزمـان يـدور
ويرجع للورى فتره.. نعّدل وضـع عيشتنـا
[/align]
[align=center]ختاما 0000 تقبلوا تحيات أخوكم و محبكم شبيه الريح[/align]
[/align]
العرض العادي
