جاني جاثوم البارح الله لايوريكم !!!

[كرباج]

[align=center]<<< جاثوم ولا جابصل



سلام عليهم بعد ما جفونا

صباح الخيرات على الجميع والجميعات كيف اصبحتوا صراحة الموضوع ذا مايبي مقدمات ولا مقبلات<< واحد جايع

الله يسلمكم من كل شر انا واعوذ بالله من كلمة انا من الناس اللي اذا جت حزة النومه ابطي عظم لمين انام !!! ماغير

تقلب بالفراش من كثر تقلبي كويت المطرحه هههههههههه من سمني عاد المهم هواجيس وتاملات وانواع المشاريع

اللي ماتجي الا وقت الصلاة الله يخزيك ياشيطان واحياناً قبل النوم مع اني البارح صرت الوليد بن طلال من كثر هالمشاريع

اشغلتنا هالدنيا الله لايشغلنا الا بطاعته نرجع لزبدة الهرج بعد الجهاد والتقلب والمشاريع غفت عيني وغطست بالنومه



اذكر اني نايم بس جتن حاله مادري وشلون اوصفه عجزت اتنفس وحسيت تقل مكيف طايحن علي وثقل لساني

تذكرت يوم اقلع ضرسي وتاثير البنج اللي جالس يوم !!! ابتشهد ابذكر الله ماقدرت ماتسمع الا اه اه اه لا ونايم على بطني بعد



بس رحمة من ربي انه ماطولت الحاله يوم صحيت بغيت اصيح من الفرحه وحسيت وتذكرت ان ابن ادم ضعيف ومايسوى شي

وقعدت اتذكر الموت وطلعة الروح الله يحسن خاتمتنا وجميع من يقراء مقالي !!! وجميع المسلمين

عاد يوم جيت للدوام <<< فرح انه يشتغل قعدت اسولف للشباب يوم قالولي انه جاثوم واذكر قبل شهر جاني وقعدت

اسولف انا واميمتي الله يخليه لي ويخليكم امهاتكم عن الجاثوم يوم قالتلي وانا امك طلع الملاهي اللي عندك

قعدت ادور المراجيح والصحن الدوار بالغرفه ولا لقيت شي واثره تقصد المجلات ووووو والدبدوب اللي بالزاويه واحد يبي يعلمكم

انه رومنسي !!!

ومع البحث اتضح لي ان الجاثوم مرض من امراض اظطربات النوم واسمه الطبيObstructive Sleep Apnea طلعت نور على غفله

عاد بهالمناسبه نبي كل واحد يذكر لنا اخر جاثوم جاه والله ياهي مناسبه بعد !!!

كل التحايا للجميع

تشاااااااااااااااو[/align]

[اكار شوكولانا]

[align=center]سولف انا واميمتي الله يخليه لي ويخليكم امهاتكم عن الجاثوم يوم قالتلي وانا امك طلع الملاهي اللي عندك

قعدت ادور المراجيح والصحن الدوار بالغرفه ولا لقيت شي واثره تقصد المجلات ووووو والدبدوب اللي بالزاويه واحد يبي يعلمكم


هههههههههه

[/align]

[إسبوع]

[align=center]ستر ربك كرباااج


شوي وتسان قلنا واسفااابك





اسمع عنه يقولون ان الجاثوم من الجن


شلووون بقدرة قادر صااار مرض



الله يحمانا وياك منه



[/align]

[السيد الدكتور]

[align=center]
كرباج



الحمد لله على ان الجا ثوم ما تكأء على صدرك

كان الله يخلف علينا ما هناك كرباج

والحقيقة ان الصورة تغني عن الف عنوان



[/align]

[الذاهبة]

بسم الله على قلبك كرباج


مرة ثانية اقرأ وردك قبل ما تنام ..


و ماراح يجيك شر بإذن الله .. لا كوابيس ولا جواثيم ..






تحية للقصص الحلوة !

[العبرى]

الحمدلله على السلامه

سم بالله بس..

ودي أضحك مايخالف<<<<<<<<<<<<<منب أضحك عليك..

الحين أنت تقول كل واحد يقص قصة آخر جاثوم...

تلقى كلن بفراشة يحتري هالجاثوم اللي أنت تقول عليه...

خخخخخخخخخ

يخرب عألك ياعم..

أنا أبقرأ وردي... بسم الله علي.,

[المتزن]

كرباج ..

أنت لو الله يفكك من مشاريعك وهواجيسك يا بيل جيتس , كان انت بخير .

هذا وانت ما أعرست ولا عندك عيال .. أجل وشلون لو تعرس ويجيك عيال ؟؟!!
( وش دعوى يالشايب !! )

عموماً :

عليك وانا اخوك بقراءة الوِرد قبل النوم .. ولا تروح لفراشك أنت ووجهك إلا إذا دخت مرة ..

يعني إذا ماجاك نوم , قم العب كورة أو اركض الين تدوخ .
( وهقه )


وتقبل تحياتي 00
المتزن

[noor]

[align=center]كرباج

الحمد لله على سلامة الجاثوم منك

ماادري كني لمحت اسم نور بالمشاركه ( لاتكون تقصد ذيك العجوز الشمطاء )

تحياتي .[/align]

[البكيراوي]

[align=center]كرباجووووه


اقرا وردك .. وطلع هالدبب اللي بغرفك ... وما جايك إلا كل خير [/align]

[كرباج]

[align=center]

اقتباس: سولف انا واميمتي الله يخليه لي ويخليكم امهاتكم عن الجاثوم يوم قالتلي وانا امك طلع الملاهي اللي عندك قعدت ادور المراجيح والصحن الدوار بالغرفه ولا لقيت شي واثره تقصد المجلات ووووو والدبدوب اللي بالزاويه واحد يبي يعلمكم هههههههههه

هلا والله بالشوكلاته تسلملي هالضحكه

تشكراتي لك

تشااااااااااااو[/align]

[كرباج]

[align=center]

اقتباس: ستر ربك كرباااج شوي وتسان قلنا واسفااابك اسمع عنه يقولون ان الجاثوم من الجن شلووون بقدرة قادر صااار مرض الله يحمانا وياك منه

هلا باسبوع المرور

شفت شلون بغيت اروح ملح وبعدين يروح ملح المنتدى <<< غرور

وبعدين به ناس يقولون انه من الجن وناس يقولون من ضيق التنفس وكثرت الاقاويل والمعنى في بطن الشاعر وهو صار مرض الله يعافي الجميع

تشكراتي لك ولتواجدك

تشااااااااااو[/align]

[كرباج]

[align=center]

اقتباس: الحمد لله على ان الجا ثوم ما تكأء على صدرك كان الله يخلف علينا ما هناك كرباج والحقيقة ان الصورة تغني عن الف عنوان

هلا بالسيد الدكتور بس ماقلت لنا وش تخصصك ؟

اشكرك على هذا الشعور النبيل لو انا داري انكم تخافون علي تسان مانزلت الموضوع

شكراً لتواجدك الجميل

تشااااااااااو[/align]

[كرباج]

[align=center]

اقتباس: بسم الله على قلبك كرباج مرة ثانية اقرأ وردك قبل ما تنام .. و ماراح يجيك شر بإذن الله .. لا كوابيس ولا جواثيم .. تحية للقصص الحلوة !

هلا بمشرفة القسم الاجتماعي والتربوي والحاصله على وسام التميز لشهر صفر ولبقية الشهور ان شاء الله

ماقلت لكم احرجتون الله يسلم قلبك من كل شر عاد تبين الصدز ماذكر اني قريت وردي ذيك الليله والسبه المشاريع واخرته شكلي ابفتح فوال بس اذكر اني فاتح اذاعه القران وكان في اعادة لبرنامج نور على الدرب

وشكراً على النصيحه التي سوف تفيدني بالمستقبل

تشكراتي المعهوده

تشاااااااااو[/align]

[كرباج]

[align=center]

اقتباس: الحمدلله على السلامه سم بالله بس.. ودي أضحك مايخالف<<<<<<<<<<<<<منب أضحك عليك.. الحين أنت تقول كل واحد يقص قصة آخر جاثوم... تلقى كلن بفراشة يحتري هالجاثوم اللي أنت تقول عليه... خخخخخخخخخ يخرب عألك ياعم.. أنا أبقرأ وردي... بسم الله علي.,

الله يسلمك ياعبروه والله يابنت الحلال اني اسمي قبل مانام بس الصراحه موهب كل يوم الكذب خيبه

واضحكي وانبسطي بس ممكن اعرف وش سبب هالضحك ترى الدعوه وجعت راس

وقولي امين جعله مايجيك والله تكرهين النوم

تحياتي لك ولحضورك

تشااااااااااااااو [/align]

[كرباج]

[align=center]

اقتباس: كرباج .. أنت لو الله يفكك من مشاريعك وهواجيسك يا بيل جيتس , كان انت بخير . هذا وانت ما أعرست ولا عندك عيال .. أجل وشلون لو تعرس ويجيك عيال ؟؟!! ( وش دعوى يالشايب !! ) عموماً : عليك وانا اخوك بقراءة الوِرد قبل النوم .. ولا تروح لفراشك أنت ووجهك إلا إذا دخت مرة .. يعني إذا ماجاك نوم , قم العب كورة أو اركض الين تدوخ . ( وهقه ) وتقبل تحياتي 00 المتزن

هلا بصديقي المتزن انت تشوف هالمشاريع الله مايجه منه الا وجع الراس واذا كان العرس غثاء وشقاء ياليت يعلمونا المتأهلين قبل مانتوهق <<< يدور اي شي على العرس ههههههههههههه

وتمنيت ذيك الليله كنت معرس كان على الاقل يوم جاني الجاثوم تعقطت بام العيال بس التمني مانفع ابو تمام منهو ابو تمام ذا

وتشكراتي على النصيحه وابشر ماراح اروح لفراشي الا اذا دخت مره وحلتيته

تشااااااااااااااو[/align]