أنا مـن لي . . بهالدّنيا . . بعَـد مابـُوي خـَلاّني . . !!

[سـلـمـان الـجـفـن]

[align=center]بسم الله الرّحمن الرحيم

السّلام عليكم ورحمة الله وبركاته

هذه القـَصيده أتت بعد رحيل والدي رحمه الله ،،

موجـّهه إلى والدتي . . علّ الله أن يرزقني برّها ،،

[align=center]أنا من لي بهالدّنيا بعد مابُوي خلاني
أنا مالي سوا أمي عسى الله لي يخلّيها..
ـ ـ ـ
أبهديها الشعر وأهدي مع الأشعار قيفاني
وأنا أدري كلّ ما بهدي لها ماهو مكفـّيها..
ـ ـ ـ
إلا ناديتها جتني مثل ما هالهوا جاني
ولامن قلت : يَايمّه.. تقول : اطلب وألبّيها..
ـ ـ ـ
يكفـّيني وجود اللّي أنا أهواها وتهواني
حـَياتي هي وتغنـيني عـَن الدنيا بما فيها..
ـ ـ ـ
حضن أمّي لي الملفى وهو لي منزلـ(ن) ثاني
سوالفها تسلـّيني تسولف لي وأنا اوحيها..
ـ ـ ـ
أسمّيها نظر عيني .. وأسمّيها بـ سلماني
وأسمّيها بعد عمري .. وعلى كيفي أسمّيها..
ـ ـ ـ
ويوم إنّي طفل توّي تقول : أقرب لأحضاني
تناديني بـ( يَـا يمّـه) وأنا ( ماما ) أناديها
ـ ـ ـ
وأنا آخر عناقيدهـ صغير(ن) بين أخواني
ولكني كبير(ن) في وسط قلبه وعينيها
ـ ـ ـ
دمُـوع الشـّوق لا غابت تسيل بوادي أحزاني
وغيبتها إلا طالت مشاعر قلبي تكويها
ـ ـ ـ
و ما ودّي أبيّن له بأني حيل ولهاني
أعرف أمّي تبي تحزن إلا شافتني أبكيها
ـ ـ ـ
وإذا باسمي تصوّت لي عطيته كل آذاني
أنا تحت أمرها كلّي وهمّي كيف أبرضيها
ـ ـ ـ
وبعد مابوي خلاّني أتوه بوسط ودياني
أنا مالي سوى أمّي وحياتي تحت رجليها[/align]
ـ ـ ـ
ـ ـ
ـ
لكم خـَالص تقديري وآحترامي ،،
وتحـَيّتي ،،

سلمان بن عبد العزيز[/align]