كيف تحصلين على عريس في اقصر مده

[بتول القصيم]

اولا اذا كنت تمساح

قصدي ولد اطلع برا لأني ابغى اخذ راحتي مع بنات فصيلتي







ياخي عن اللقافه انت ماتفهم ترا البنات يستحون منكم


شكلك مضيع الباب ادلك مو مشكله













>>>>>>>>>>>>>>>>>>>>الباب من هنا







صبايا تعالوا ورايه ..!!



الى كل بنوته ناشبه في حلق أهلها وماتصرفت مع انهم حاطين معها أختها مجانا (لترويج البضاعة في البيت)


كيف تصطادين خفاش دون اللجوء للأساليب المعهودة والسقيمة..؟؟



للاجابة على هذا السؤال اليك مايلي ..


أهم نقطة :الصقي بالعجوز اللي حاطه عينك على ولدها ثم نفذي مايلي :



خليك مع أمك لاتروحين مع البنات وتستهبلين اصبري عنهم كم شهر الى ان تتم العملية -1





امشي وانتي حاطة راسك بين كتوفك لاترفعينه أبدا..مهما يصير -2
علشان يقولون مؤدبة وموب متكبره



كلمة خالتي خليها على لسانك وخاصة لأم الخفاش علشان تحس -3
بنوع من التميز. لامانع انك تنادي وحده ثانيه بخالتي
عشان إذا مانجحت الخطه مع العجوز نمبر ون تنجح مع الثاني اتبعيها
كخطة احتياطية


إذا بدت أمك تتكلم دقيها بكوعك عشان تدخلك بالموضوع حتى لو -4
مالك داعي تطبيقا للمثل( الحشرة مع الناس عيد)
أدري إن المثل ماله داعي بس مالقيت غيره ..


اخوانك الصغارابقي وراهم وين مايروحون حتى لومهي عادتك بس تصرفي معهم كأنك أمهم -5
لأن هذا يوحي بما لايدعو مجال للشك عند العجوز بأنك حريصه على ذريتك (جعلهم عقبك) ..




(6- أي اكله حلوة تاكلها امك خليها تقول نفس الاكله اللي تسويها بنتي ( حتى لو الاكل من مطعم صيني او هندي



الحريم للباب بتشوفك برا او بتدور عليك-يوم امك تروح توصل - 7
خليها تقول: قلت لك لاتنظفين جدران البيت من برا بس انتي الله يهديك قاتلتك النظافه
"على اساس انك تنظفي جدران البيت اول نظفي غرفتك اللي كنها غرفة عزابيه .. اوكي"




دايما تعلقي في الباب علشان لا ينقص من طولك ولا سنتيمتر ( للقصار فقط ) - 8

-9- اذا تكلموا الحريم عن الزواج اكتمي نفسك لين تحمر خدودك علشان يقولون البنت تستحي ومالنا حق نكسفها
بس لاتكتمين واجد تروحين فيها وأصير قتلت نفس بغير حق..



مهما كان موضوع الحوار حماسي لاتبدين رأيك وخليك مثل االعجما لأن اللقافه تجيب أجل الخطه .. -10



افتحي شعرك وسشوريه ولا تتبعين اي موضه -11
لأن االعيايز مايعترفون الا باللي شعرها ناعم.. والا ياعمري اللي كشتهاا طايره ماحد يلتفت لها ..


12- اذا ادلت العجوز ام الخفاش باي راي سواء كان اقتصادي او سياسي او وطني : وافقي عليه "حتى لو ما كان له داعي



في اي عرس لاترقصين امسكي نفسك واعتبري الرقص عيب وشق جيب ..-13



-:اذاجات سيرة السوق وطبعا لازم يجيبوا سيرته لأنه ملح الجلسه عند الحريم خلي أمك تقول -14
بناتي مايطلعون السوق أغراضهم أبوهم يجيبها(( مع اني اعتقد انك حافظه كل الاسواق عن ظهر قلب))




احتمال وارد الحدوث :ممكن تكون العجوز مخططه على بنت غيرك لكن بعد النقاط السابق ذكرها بتغير رايها وتخطط عليك

الحين بتكون العجوز وقعت باالفخ..



نرووووووووح للخفاش الحين



ياي كاشخ بالثوب ( خاتم ) وغتره + عقال والعطر ((شيء يشوف نفسه (( ناسي

اعتكفي ولا تطلعين واذا جا المعرسيبي يشوفك خلي أبوك يقول له :

والله ماعندنا بنات تظهر على رجال ..بعد الملكه شوفها(( عاد هو بيمووووووت قهر وبيقدم موعد الملكه ))

الحين المسكين يعتقد انها تشبه اليسا ولا ميا نصري

وقبل ما يجي موعد الملكه بحوالي شهر أو أكثر

اشتغلي بعمرك (صبغه ،تنظيف بشرة، الخ ) لاتقصرين

ويوم يجي الخفاش خلي أخوك يوقف فووق راسه عاد انتي لا تقصرين عطيه(( النظرة القاتله ))


عاد هنا حسب النظره اللي بيردها لك اذا سطل أضمني الرجال واذاقعد يطالع الحضور الكريم راحت عليك



عاد الله يوفقك ولاتنسينا بالدعاء



**تحذير:

لا تقربين من الأمهات اللي متعلمات صاحبات التطقيم يعني تكون شنطتها بلون الجزمه " الله يكرمك " الأن هذي يبيلها تخطيط بعيد المدى


**نصيحه:

ادري انصديقاتك بيلاحظون التغيرات المفاجئه اللي صارت لك واذا سألوك قولي لهم :انك خلاص انسانه عرفتي خلاص عقلت

تدرين ليش؟؟

خوفا من سرقة الفكرة الادبية


يا الله ابي النتايج الزينه ان شاء الله


لاتفشلونا عاد شدو حيلكم احسن شي تقعدون فالبيت وتغنون

((بدنا نتزوج ع العيد ))

مع احترامى للصبايا ....بدون زعل ....تراني امزح

[يا ذاك الغروب ..]

أنا داخل أعاونتس على طرد (التماسيح) .. يالله عيال يالله الباب ..

بس على شرط :

اقتباس: أهم نقطة :الصقي بالعجوز اللي حاطه عينك على ولدها ثم نفذي مايلي :

لا تطبقون هالنصيحة على أمي تراي مانب معرس , أو بيني وبينك (فيه ناس متكلمين علي).. يالله عيال

[هامة حاسوبية]

[align=center]خخخخخخخخخخخخخخخخ

ماحد الله يخيتي أقلب روحي كل هالقلبه

الله يقطع بليسك

أما ::يوسف السديري:: فأنا أشهد كل يوم ناس يتكلمون عليه بس هو الله يهديه راسه يابس ماتجوز له أي وحده شكله بيعنس ونبحل به يطيح بأكبدنا بالمنتدى لكن جيبي طريقه زوجيه[/align]

[يا ذاك الغروب ..]

اقتباس: أما ::يوسف السديري:: فأنا أشهد كل يوم ناس يتكلمون عليه بس هو الله يهديه راسه يابس ماتجوز له أي وحده شكله بيعنس ونبحل به يطيح بأكبدنا بالمنتدى لكن جيبي طريقه زوجيه

ام عمر شكلنا نبي نرجع من أول وجديد .. خلاص قفلوا على هالموضوع (اهلي معطين الناس كلمه) .. (لعدم الإحراج) ..

يالله عيال اطلعوا!!

[ابوغاده]

ابد وانا اخوك وش تبي نسوي بس

عندي راي

اوخيتي في الله لما انتي تختارين الرجال فهذا يكون عبئا عليكي
بمعنى اخر بيذلك لانه انتي نشبة بالحلق

هذا رايي