بسم الله عليكم وعلى ونينكم
تقل لي يومين ماوريتكم وجهي
كنت بحراج السيارات
ولقيت فرد كراون فكتورياموديل2000 تفاحية تلاعب
الريح يحرج عليه ب12000اثنعش الف
جنوط نجمة سبورت وشغل عدل
قلت يازنقازنقا شخص ببلاش اليوم ولا بعدوه,,,
"عاد هالنوع من السيارات اللي صنعة اخذ اجر الكثير
سيارتن صبورتن موريحتن رخيصتن مابه حساسات
وغثا هالتاليات اللي لارحت عليه منا والا منا
قامت تلفت ولاشافت ماحولك احد طفت همن اقعده به"..
بعد ماشريته ونقلته واخذته ومشيت به يوم
سمعت ونين تقل جري موطي ذيله تعوي عويان
تون ونين مثل ونين الاسعاف مع بعض التقسيمات
وطبعا خفيفه مهوب بقوته ,,,
ماش ضاق صدري ولايمدين ارجعه فقلت ابكده كم يوم وابيعه ,,
مضت الايام ووالفت الونة وصرت استمتع به
حتى اني اذا ركبت سيارة مابه ونه حسيت بشي ناقص
وذا بغى احد يمرن سالته سيارك به ونه بالدفرنس او لا ؟؟
والحين لو يقدر الله واتجر
واشري جديده بخرب كارونته حتى تون
لاني والفته ولا اقدر اصبر عنه ...
كثير من البشر ماينام الا على صوت
المكيف,,, برد حر ربيع خريف,,,
المكيف شغال و يون فوق راسه,,
كذا يجيه النوم والا يقعد يتقلب تقل بمرقده شوك
لو عيونه مجحمة من السهر مانام,,,
"ابن ادم ضعيف لويطيح عليه جدار طين مات"
اذا عاشر شي والفه واذا والفه مايصبر عنه
واذا غاب عنه يحن له ,,,
وحتى يتخلّص منه يبي له جهد ووقت
واعراض انسحابية ...
ـــــــــ ويييييييوييي.... ونه ــــــــــ
العرض الشجري