هذي أول مره اشارك فيه
ياشينها لا صرت تغلي لـك انسـان
ان جاك غالـي وان تغيـب ذكرتـه
اغليه واطرد عنـه مليـون شيطـان
ولو زل في حقي مدحته وعذرتـه
ولا خان مبداه ونسى كـل الاحسـان
والله ليبطي بالرجـاء مـا انتظرتـه
وحتى البحر لو فيه لولو .. ومرجان
دامـه لمثلـه ماسبحـت وعبـرتـه
بعض الذنوب اعدها غلطـة اخـوان
ذنـبٍ يضايقنـي وذنـبٍ غفـرتـه
وبعض العرب في فزعته مثل الامزان
لو تطلبـه عينـه حشـا ماعسرتـه
والناس عندي مثـل سالـم وسلمـان
شخص ٍ اضحي به وشخص ٍ ذخرته
اتصدق اني من كثر مابـي احـزان
حتى عـدوي لـو شتمنـي شكرتـه
ياشينها لا صـرت ماتلمـح الـوان
الا الظـلام ليـا رقيـت وحـدرتـه
وياشينها لا طاح من عينـي انسـان
لو حطنـي فـوق النجـوم احتقرتـه
....ياشينها لاطاح من عيني انسان....
العرض الشجري