نساؤنا !! ودرجة تفكيرهن ... فمن هو المسئول ..!!

[جورينا]

مرحبا بكـ أخيـ / أختيـ

صراحة بعض الأحيان عقول الحريم ماادري وشلون قايلة ياسبحان الله تشوف العجائب والغرائب

ودي أدري من هو المسئول !!!

صراحه اذا حسيت بطفش وزهق ماغير اسنتر عند قناة بداية واقعد تفرج واضحك على تفاهة العقول

وعلى مستوى التفكير صراحة يمر على هالشريط ورسائل الاس ام اس عجب العجاب

والمشكلة ان هالحريم متعلمات والغالبية منهن اكيد جامعيات بقولكم عن عجيبهن

وماتحتوية رسائلهن !!!

وليت الأمر متوقف على طرق الطبخ وكيكة الدخن ابي اجربه ان شاء الله الي ذبحونا عنده و الزيت اللي

يطول الشعر

والخلطة اللي تبيض وكتاب فيافي وكل مرة بالسعودية صاحبة طب شعبي اصبحت مشهورة والفضل يعود

لذلك الشريط حتى أم فريح ترنح اسمها هناك والنكته اللي قرأته قبل قليل ان وجود الصراصير بالبيت سببه

العين الله أكبر عين مرة وحده

وأعظم ذلك هن كفارات العشير وسبّ ازواجهن وحتى والله يكتبن كلام استحي أن اكتبه لكم

وصدق رسول الله صلى الله عليه وسلم حيينما

: ((يا معشر النساء إأني رأيتكن أكثر أهل النار، قالوا: لم يا رسول الله؟ قال: لأنكن تكفرن العشير، لو أحسن الزوج إليكن الدهر كله ثم أساء قلتن: ما رأينا منك خيرا قط)).


وحدة ارسلت تقول : أنا بكرة مسافرة وبمر مع مدائن صالح عطون الدعاء حقه ..

تدرون ليش !!

تقول أخاف تصيبن اللعنه اللي اصابت قوم صالح ونست قولة تعالى :


" قل لن يصيبنا الا ما كتب الله لنا هو مولانا وعلى الله فليتوكل المؤمنون "

وحده ثانية تقول !! الله يعافيكم ويخليكم عطون العلاج والوصفة اللي تخلين احمل بولد

ونست قولة تعالى :

(ويهب لمن يشاء الذكور )

وحدة ارسلت تقول الله يخليكم ويعطيكم ماتمنون عطون الوصفه اللي تخلين احمل بتؤام

وحده تقول ارحموني ابي اتزوج ونست قولة تعالى:

{يَبْسُطُ الرِّزْقَ لِمَنْ يَشَاءُ وَيَقْدِرُ}

ولم تتوكل على الحي القيوم واسترحمت بالمخلوقين

وحده تقول ياناس تكفون عطون الخلطة اللي تصغر الخشم (( الأنف ))

والله العظيم اللي كتبته لكم غيض من فيض من اللي يحدث بين جنبات ذلك الشريط

والله المستعان

غفر الله لنا ولهم

اسفة على الأطالة ودمتم بخير