السلام عليكم
***************
لقيت باكستاني بأكل فول عدس .. قلت له مين اللي طابخه .. قالي أنا اللي طابخة .. قلت أجل ذوقني قطعة خبز مع فول .. عاد يوم ذقته وأثره لذيذ .. عاد قلت له وأنا أمزح عليه قلت له لو أنت في باكستان كان قلت لأم عيالك أني ما أعرف أطبخ .. لكن يوم صرت هنا صرت تطلع مواهبك بالطبخ .. هههه
عاد قلت له خلاص أبيك تعلميني طريقة الطبخ وعلمني كل الطريقة بطبخة فول العدس بطريقة الطبخة الباكستانية .. عاد أنا عالطول أشتريت وجهزت الأغراض ...!
ويوم صرت بالبيت قلت أبجرب طبختها
وأليكم طريقة طبخة فول العدس بالطريقة الباكستانية .. بس لا تضحكون علي .. لأني أول مره أطبخ فول عدس .. لكن أنا أحب المحاولة وأحب أستكشاف أي شئ جديد بالطبخ :::
قطعت البصل لحال والطماط لحال وهذا البهارات ( مسحوق الكرى ) الباكستاني .. وجهزت العدس .. !ثم جبت القدر وحطيت فيه البصل والزيت علشان أكشن البصل
ثم جبت قدر ثاني وحطيت فيه العدس مع ماء .. ثم أخليه يغلي بالماء لمين تلين حبات العدس .. بعض المرات يلين بعد ربع ساعه وبعض المرات يلين بعد نص ساعه ..
طبعا كشنت البصل لمين يتقمر
ولما تقمر البصل جبت بهارات وحطيت من البهارات ملعتين ونص كبيره وحطيته مع البصل
ثم حطيت طماط مع البصل
ثم وضعت ماء مع الطماط والبصل ثم حطيت ملح
وأذا صارت حبات العدس لينه نكب بقايا الماء اللي بالقدر اللي في العدس ثم نجيب العدس ونضعه على القدر اللي فيه الكشنه ثم نحركه ونخلط البصل مع العدس جميع وتركته 10 دقايق لمين نشف أشوي من الماء ...
وهذا العدس بعد ما خلصت من طبخه
واليكم النتيجة ......!
طبعا أكلناه مع خبز ( بر ) ...!
وأعذروني على طبختي المتواضعه .....!
عادل