التجربة :- هو الأسم الذي نطلقه علي أخطاءنا .
الحب :- علاقة تربط إمرأة برجل …. وتربط الرجل بجميع النساء .
الغدر:ـ درس خصوصي تتعلم منه كل شئ دون أن تدفع فلسا .
اليوم :- الشئ الوحيد الذي نعيش فيه و لانعيشه , إما نكون في بكاء علي الأمس أو انتظار للغد .
************************************
أخيرا لقينا ستاره لأستراحتي .. لأنه تعبنا ما لقينا ستاره مناسبه للون الجلسه .. والحمد لله لقيناها ...!
***********************************
قبل كم يوم .. لقيت سوري .. حاط وشم بأيده .. عاد قلت غريبه ليه حاط وشم بأيديك
.. طبعا السوري هذا عمره
38 سنه .. قالي هذا الحرف اللي انا وشمته في أيدي حرف لأسم حبيبتي .. قلت وأنت لسه الى الان ما تزوجت .. قال أنا متزوج .. لكن سويت الوشم يوم كان عمري
16 سنه .. وكنت أحب وحده
.. وقلت طيب وليه ما قدرت تشيل الوشم .. قال لا ما قدرت أشيل الوشم .. لأنه ما يقدر الواحد يشيل أي وشم سواه بجسمه .. عاد أنا قلت له كم لها السالفه هذي .. قالي صار لها السالفه
21 سنه ... عاد قلت طيب وهي زوجتك الان .. قال لا .. قلت وينها الان .. قال الان هي تزوجت وانا تزوجت
.. وهي الان معها أولاد .. وعايشه مع أولادها ... عاد أنا أبحرك مشاعره
.. ههه قلت له طيب أذا رحت لسوريا . ما كنت تشوفها بالصدفه . أذا كنت تمشي بالشارع .. قالي لا .. هي الان عاشت ببلده بعيده عن بلدتي ..!
***********************************
قمة الفشيله
.. واحد من أصدقائي تزوجت أخته يوم الخميس اللي راح .. وما حضرت الزواج .. وقبل تزوجت ثنتين من خواته . وما حضرت زواجاتهم ... كان يوم يتزوجن الثنتين من خواته .. كنت مره مو موجود ببريده أنا
.. وكنت مره ناسي
... عاد اللي تزوجت الأيام .. جاب لي البطاقة .. وقالي تراه ياويلك أذا نسيت تجي للزواج .. عاد أنا قلت له لا ما عليك راح أجي أول الناس ... وكنت حريص انا ومصمم أني راح أحضر للزواج .. لأنه كان حضر لزواجات خواتي .. وما قصر واصل يحضر لأي مناسبه أعزمه عليها .. ولما جاء يوم الخميس اللي فات .. كنت مقرر أني راح أروح .. ويوم جاء اذان العشاء .. وتذكرت بعدها أنه لي موعد بالمستشفى
. وأضطريت أني أروح للموعد ... وللأسف وللأسف ما حضرت زواج أخت صديقي .. والصرااااحه بلشت مدري أيش أقوله .. ومدري كيف أعتذر منه .. وكنت ناوي أكتب قبل بمدونتي أني نسيت أحضر زواج أخت صديقي .. لأنه أحيانا يدخل يقرأ مدونتي
.. طبعا يدخل زائر لأنه غير منتسب بالمنتدى .. ثم قلت لا ما راح أكتب بمدونتي .. الا لمين أشوفه .. ويوم شفته طاح وجهي .. احس أني أستحيت منه
.. لاني ما حضرت لزواجهم .. وأشوا يوم قلت له أني كنت مشغول يوم الخميس .. الحمد لله عذرني .. لأني كنت متوقع أنه راح يضيق ..! لكن الحمد لله قدر ظرفي ...! ( عاد أشوا ما شيلني حق هههه ) ...!
***********************************
من المواقف .. في أحد الأيام رايح واحد هو وأهله لفرنسا .. وهم يتسوقون . دخلو مركز تجاري .. يبيع ملابس . وأبتدأ يشتري أي شئ يعجبه .. وشاف جاكيت شتوي وأعجبه . وأشتراه لأهله .. ولما جاء للمحاسب . علشان يعطيه الحساب .. ويوم حاسب سعر الجاكيت .. وجي يناظر سعره . صار سعر الجاكيت ب
8000 الاف دولار .. يعني يساوي ب
30 الف ريال .. عاد هو طارت عيونه
يوم دري أن سعر الجاكيت كذا .. وبعدها قال للكاشير . خلاص أنا أبروح أجيب الفلوس وأبجي .. عاد يقول طلعت منهم ولا رجعت .. ويقول شكل الجاكيت الى اللحين عند الكاشير ينتظرني أجي هههه ..! ما يدري أنه طايرت عيونه من هالسعر ...!
