من فارق الخلان ربي يعينه
والله يعين اللي من الغبن صبار
يقوله اللي فارق احباب عينه
فارقتهم والقلب كنه على نار
فارقت من فاق العذارى بزينه
غصب علي فراقهم غير مختار
وامسيت ما عندي من العقل عينه
يشهد علي اللي عليم بالاسرار
من عقب ما قلبي على السكينه
مع الحبايب بين الاشجار والغار
واليوم انا في حله في المدينه
كني غريب بالبلد نازح الدار
انت الذي من غيركم لي ضنينه
اقولها للناس بالسر وجهار
وارجو من اللي كلنا مرتجينه
ارجو لم الشمل ياوالي الاقدار