من شان عينك يهل الدمع من عيني
ياكثر دمع على فرقاك هليته
مالي حبيب على الغايات يسليني
الاانت ياللي ملكت القلب واشقيته
ولعتني بالهوى من شان تشقيني
ياوياما من الغربال عانيته
حبك جرحني عسى ربي يعافيني
غيرك من البيض والله ما تمنيته
مسكين راع الهوى والحب مسكيني
يبي المروفه ولكنك تحديته
الحب حاديني لك وانت متحديني
وامسيت سهران لين الليل سريته
كم لي وانا ارجيك يا شمس المزاييني
الله يحقق رجا وصل ترجيته