[القلم الصريح]

السلام عليكم >>> احم احم دستور ياللي هنا

مبطي تقريبا قبل 37 سنه ( جت ) حرمة تدني لنا وعمرها كبير لها اعيال وبنات .
المهم دخلت البيت الشعبي ( ماكان فيه فلل ) امي كانت بالفلاحة مثل العادة ومافيه غير اختي وانا كنت ( بزر )

اختي : ( ياهلا ام !!! )
ام !!! : مرحبتين وين امك ؟
اختي : بالفلاحة .
ام!!! :اجل بروح انا جايه اسلم عليها !!
اختي : طيب تعالي اوريك تلفزيوننا الملون اللي شريناه امس .
ام !!! : ماشاء الله ماشاء الله وريناه .
اختي توديها للصفة وتدخلها وقالت هذا هو .
ام !! : تدخل تمقل فيه وكان شكله حلو ومنسق وكبير وعليه دالوب خشبي .
اختي : راحت للموقد تقصر على نار الغداء لا يحرق .
ام !!! : اخذت حريتها بالتفرج ماوراها احد .
اختي : ترجع من الموقد بسرعه وتوقف ورا أم !!!
أم !!! : مادرت وطبعا خابره ان اختي بالموقد .
ام !!! : تفتح دالوب التلفزيون وتسكره.. تفتحه وتسكره .. وتردد ( حزن .. حزن .. حزن ) .. طبعا مادريت باختي انها وراها !!
ام !!! تلفت وتشوف اختي واقفه وراها وهي تقلب الموجة 180 درجة ( ياحليله يازينه يهبل يهبل يهبل .. ماشاء الله .

طبعا القصة حقيقية وهي تثبت بشكل قاطع وجود الحسد والغيرة قبل عشرات السنين وربما المئات وهذا رد قوي على من يقول ( الاولين قلوبهم صافية ) ( الاولين مايعرفون الحسد ) ( الاولين طاهرة قلوبهم ) ... الخ
الشيطان هو سبب كلا بلاء والشيطان الذي يعيش معنا الان هو الشيطان الذي عاش معهم قبل تلك السنين الغابرة .
انتهت حدوثة قلم صريح .