[شاعر الاماكن]

قلب الوسيطى ..

مع الاحترام لك ولجميع المتواجدين موضوعك للاسف الشديد موضوع فيه نوع من التعصب الرياضي واحتقار الخصم واحنا كـ جمهور لا يمكن نحتقر اي نادي مهما كان سوا صغير او كبير ويبقى للنصر شعبيته الجارفه وعشاقه وكل نادي له جماهير متعطشه لفوزه والنصر يبقى نادي عريق واسم يجب علينا احترامه واحترام جماهيره ولا ينبغي التقليل من امكانياته او قيمة لاعبينه ..
نادي النصر انجب لاعبين لا يتكررون في الملاعب نسيت ( ماجد عبدالله ويوسف خميس وسالم مروان وسعود الحمالي وفهد الهريفي ومبروك التركي ) لاعبين كثار وكبار لا تحضرني اسمائهم ولهم منا التقدير والاحترام والشكر على ماقدموه في ملاعبنا ومنهم تعلمنا الاحترام ..

مسألة التنافس نعم تنافس شريف وحماس وتنافس شرس بين الناديين لكن اثناء لعب المباراة وبعدها نكون اخوان واقراب واحباب ونتضايق يوم نشوف النصر قل مستواه لانه اسم ونادي عريق وتنافسنا معه تنافس شريف على بطوله وداخل مستطيل اخضر ولا فيه اي نوع من التعصب الرياضي والنصر يبقى ند ومنافس للهلال وصدقني النصر حتى لو قل مستواه امام الفرق يظهر امام الهلال الند القوي مهما فزنا عليه او فاز علينا ..

ياليت تترك عنك الجماهير لان جماهير الهلال تحترم كل منافس ولايمكن تقلل من مكانته او قيمته جماهير تعرف احترام الخصم سوا كان قوي او ظعيف ..

النصر والهلال والشباب يبقون ممثلين عن المنطقه الوسطى وصعبه تتوقع النتيجه اثناء مبارياتهم مع بعض البعض ..

للهلال جماهير وللنصر جماهير وجميع الانديه لها جماهير لها كامل الاحترام والتقدير ...