[نبض القلـم]

اقتباس:  المشاركة الأصلية كتبت بواسطة المهره     يانبض القلم مايصلح تصير مدير للاشراف وترأس المشرفات وهن متغطيات !!!!!!!!!!!!!! الا اباافهم وش در اك عن رقيه الوهيبي وهي توه جايه ماامداه واشوف الاغلب يسبه وانت تدافع او هي ماتغطى عنك بحكم القرابه ومع المقابلات بينكم اكتشفت انه خوش مديره يااخي بما انك رجل اسأل وتأكد مثل ماعودتنا بموضوعك التعليم ماله وماعليه وخل عنك هالدفاع عن رقيه وكأنك تعرفه من زمن بعيد وترا الادميه لو تأخذ دورات بفن الاداره والمعامله وتترك عنه رواسب الماضي المتمثل بكرهه للمشرفات والله ان تفلح وماهوب عيب انه تسأل اللي اكثر منه خبره وتستفيد منهم وتخلي عنه اللي يكتب بالنت لان منصبه هذا حساس بالحيل ويتطلب عقل وحكمه

الا والله يالمهره ينفع ونص وثلاثة ارباع بعد !! ولا سيما عقب ( الدمج ) .. أغدي (الدمايج ) مير تتعدل إلى مني صرت النوخذة !!!!!! والا لاخليهن يمشين على العجين ما يلخبطنه !!

أما وراي أدافع عن الدكتورة رقية فهو لسبب بسيط جدا هو ان الأكثرية يمدحون تعاملها وأسلوبها الراقي الي ما اعتادوا على مثله في أجواء الاشراف منذ عقود بل منذ قرون!!!!!!

بالإضافة إلى سبب جوهري آخر لا يقل أهمية عن سابقه وهو أن بعض المشرفات (( ما يبنّه ويسبنّه بالمنتدى )) !!
وهذا (( أكبر دليل )) على ان منهجها غير منهجهن التعبان الي (( غاثن الناس الي تكرف بالميدان ولاهدهم )) !!!!!!!

الشي الثاني لا تنسين سالفة الرسالة الي ( غثت المشرفات المحنطات ) من تلك الفئة التي تظن أنها ( مقدسة ولا يأتيها الباطل من بين يديها ولا من خلفها ) !! من الي ( يحسبون كل صيحة عليهم ) !!!!!!!!!!!!!!!!

وبعدين لا تتذاكين أكثر من اللازم يالمهره وتميلحين بتلميحاتتس الي من جنبها !!!

لأني ذيك الساعة أبوجه لتس نفس أسئلتس فأقول :

طيب وانت كيف حكمت على الدكتورة وأنت بعيدة عن الاشراف وهي ما أمداه ؟!!

والا عند المدح يقال : ما أمداه ! وعند السب : تشوفين انه أمداه !!!!!

قسما بالله وما حلفتين يالمهره لو ما شفنا من مديرة الاشراف الا زعل هالمشرفات الي ( اهتزت عروشهن الكاذبة المبنية على صروح خاوية وانفضحت شخصياتهن المريضه ) برسالتها الي ما عممت بل خصصت وبعضّت !! كان كفانا وصار بلحاله جميل ما ننساه للدكتورة الله يقويها !!

أما سالفة الدورات الي عن الادارة وعن التعامل فتمنيت أنك ناصحتن بها ربعك ورفيقاتك الي يحسبن طول عهدهن وخدمتهن بالاشراف تكفيهن وتغنيهن عنه !!!!

لان الجميع بلا استثناء بحاجة للعلم والتزود من الدورات لفائدة الميدان .. وذلك يشمل أكبر رأس في الهرم الغذائي <<<< لا تلومونه جوعان !!
لأصغر راس .. وما بينها من روس ... و أمريكان <<<< خطمة جت تأثرا بنشرات الأخبار !!!

فالحكيم يقول : لا يزال العالم عالما حتى يقول قد علمت واكتفيت , فان قالها فقد جهل ..

أما العيب كل العيب يالمهره فهو أن نفترض وندعي ثم نتهم ونحاكم .. دون أن نملك أي دليل مادي ملموس يخولنا لاعتماد فرضياتنا ذهنيا ومنطقيا , فضلا عن اتهام الآخرين بها جهارا نهار!!!

والزبدة :

خلوكم أكبر وأعقل واثقل من اتهام أي شخص يمدح شخص أو يدافع عنه بأنه هو نفس الشخص !!! والا فما وجه الدلالة بمقولة ( شهود الله في أرضه ) ؟!!

برضه .. تحياتي للعقلاء الذين يحترمون عقولهم !