بلاعنوان..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
لاصد عــنـك الـلي تـوده وتـغـلــيه * خـلـه بــد ربه مابحبه حسايـف
لوصحت له بالصوت ماهوب موحـيه * خلاك من صده تشوف الكسايف
خـلـه يــدور من بـدالك إ يـسـلـيـه * لاقال مالي فيك للنفس شايف
تـلـقى بداله من يـودك وتـعطـيـه * حب إ يما ريـبه على كل نـايـف
ياخذ جميع اللي يبي منك بـيد يـه * و يقول أنا لهلي والأقراب عايـف
ضاع الأمل خاب الرجا وظننا فــيـه * طـاوع كلام مفـرقـيـن الولايـف
الله يعين القلب عـادت بـلا و يــه * وعاد السهر لـعـيـون دمعه ذرايـف
أرجي عسى رب المخاليق يهـد يـه * ويعود لي بالحب زين الوصـايف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ