ياعين لا تبكين من موت صدام
ابكي على موت العرب والعروبه
بوش يتحكم بالحكومه والحكام
يامر وينها والديار مغصوبه
وحنا نبصم له عليها بالابهام
خوفا من اسباب الزعل والعقوبه
اليوم جفن الصحايف والاقلام
والدمع يكتب فوق خدي اعجوبه
مما نشوفه في قناوات الاعلام
يوم الروافض في العراق اغدروبه
ماهمهم صوت المعارض والاسلام
واللي نوا للواسطه مادروا به
فجر الضحيه نفذوا حكم الاعدام
المعتدي والمالكي عجلوبه
شفناه يرفض غطوة الوجه بلثام
صامل .. عسى موته يكفر ذنوبه
وبغداد من موت الولد ترزم ارزام
ميت ولدها والخلوج محلوبه
وصارت مقر للارامل والايتام
تمسي وتصبح بين نوبه ونوبه
وبكره يدورن الليالي والايام
ويارب تستر لا تجينا عقوبه