[أحمد النصار]

واسمحي لي واعاهدك ان هذه اخر مره ولن اعيد الكره -لأنه والحق يقال كثر الكلام لغط وهذا بحد ذاته غلط - انما احب اقول :
-- اتكلم عن نفسي وهذا يعم جميع من هم على شاكلتي - انا بالنسبه لمدينة افلاطون الفاضله تف عليها حامضه -لكن انا واتحمس وانفعل واتفاعل ما افتعل الانفعال -ودي ان الناس (طبعاً لي شوفة وحده وللناس شوفات انما اتكلم عن شوفتي) مادام الامور اختبصة وصارت الامور مثل اسلاك كهرباء معرات وتلامست وتكهربت الدعوى -خلاص كل انسان يسبح بواديه -يجيك واحد مرهف احساس شاعري يحب السباحه في فضائات الخيال وينسجم مع مشاعر وجدانه وعايش جو هو راحت فؤاده .. همن يطلع له واحد اعمى قلب واليا انعمى القلب انعمى العقل والعين ويقعد يقرقع بمواعينه ويحدث صجه ولجه فوق راس هالانسان المرهف الدغري اللي مايعجبهوش الحال المايل اللي مافي قلبه الا الحب لكل الاشياء والحب غير الهوى المتقلب -لكن بعض الاشياء تلخبط وتشوه وجه الحياة وان جيت تنبه اوتحاول تفهمه لو انك مع سطحي التفكير ماترضى الجدال لكن مضطر تبي الراحه.. ان قلت له غلطان قال انت الغلطان وكظم واكظم لك تقل هوشت ابساس - ولاهوب فاعلً فعلك ولا معرضً عنك - كل المطمع بها الوقت ان كلً يلعب بناديه ويسبح بواديه ويفكنا من الصجه والازعاج اللي اصبح شرً لابد منه وهذا قهر -وهذا والله قهر.. والمفروض ان الدكاتره والمفكرين والاساتذه الكبار يلعبون دورهم ويتحملون مسئولياتهم والا وش فايدة مايكنزون في عقولهم من فكر وعلم -يعملون وهذا كل اللي ادريه عاد هم ابخص المهم يشوفون لبعض الغثابير اللي مامنها الا التعطيل والتطبيل والعقول اهم ادوارها التعقيل -اللي مابراسه عقل يعقله مشكله - لكن يالامواج الباره --
لاتلتفت للخايبين المهــــــــــــابيل : أنظر لهامات العلا واقتحمها
وارفع مقامك كنك الجديل وسهيل : تضوي ظلام الليل للي فهمها
وتمسي على خير مع التقدير