[لمبة شارع]

اقتباس:  المشاركة الأصلية كتبت بواسطة الذاهبة     طيب إذا صرت أحس بدوخة .. و نفسي بتغمى عليّه .. و شوي غثيان .. وش يطلع معي ؟!

والله مشكلة!!!

ياناس اصبرو شوي !!

طيب اذا كان الذاهبة وحدة ست وفيها الاعراض هذي وتقولون انها حامل !! مااااشي ... تصير مع الحريم ...

طيب وانا حامل يعني !!!؟؟؟ انا عندي نفس الاعراض !!! ..بس انا رجااااااال !!! وامي لاعبتن علي !!! كل ماقلت لها قالت لي اشرب عصير طماط !!!! الين خلصت على كل عصير الطماط اللي في بقالات الحارة كلها..!!!

وآخرتها حامل !!!


وش الراي ؟؟؟ ... انا لازم اسوي تحليل !!!


ايه ماعلينا ياما في الحبس مظاليم !!


المهم

نرجع للسالفة الاصلية....

اقتباس: عندما تشعر بإحساس غريب وعميق ودافئ ..

نعم هو احساس غريب وعميق بس مش دافي !! بس ممكن ندفية ...

اقتباس: عندما يزداد خفقان قلبك لرؤية أو تذكر إنسان ما..

نعم انا يخفق قلبي كل مرة اشاهد فيها او اتذكر واحد يطلبني فلوس

اقتباس: عندما تشعر باضطرابات داخليه واحساس ممتع غير موصوف ..

اضطرابات !!!

الشر برى وبعيد!! لا يا اختي البلد امان الحمدلله والاضطرابات ي مانسمع فيها الا بنشرات الاخبار

اقتباس: عندما لا تشعر بالوقت .. عندما تستمتع بأحلام اليقظة ..

لا اشعر بالوقت؟؟؟.... نايم يعني ؟؟؟ بس وشلون نايم واحلام يقضة ؟؟؟ الموضوع هذا فيه تناقض !!! وشكله كمرا خفية...!!!

اقتباس: عندما تفكر بذلك الإنسان قبل التفكير بذاتك..

اكيد .. انا افكر بذلك الانسان قبل ان افكر بذاتي لأني حققت الاكتفاء الذاتي من التفكير بذاتي ..!! والحمدلله بدأنا بالتصدير...

اقتباس: عندما تنظر إليه نظرة طاهرة بعيده عن أي غرائز دونيه أو نزوات شهوانية ..

وليه الغلط دا بئااااااا؟؟؟؟

اقتباس: عندما تشعر انك أخف وزنا من الهواء واكثر عمقا من المحيط وأقوى من الجبال وانقى من البياض ..

آه .. نعم ...فعلا!!! بالضبط ...

ياجماعة مش كأنها مرت قبل شوي دعاية صابون تايد!!!

اقتباس: عندما تشعر ان ذاتك العاطفيه مشبعه تماما ..

طبعا لازم تكون مشبعة !!

اجل تنام جوعانة والاكل مالي الثلاجة ..!! خليها تشبع الين تشبع !!

اقتباس: عندما تنظر الى أي جنس وترى انهم كلهم سواسية سوى من تحب ..

كأني قاريها هذي بميثاق الامم المتحدة وحقوق الانسان!!!

اقتباس: حينما تبكي عند الفراق وتعيش من على امل لقاء ثاني ..

الناس تعيش على الماء والهواء والطعام !! وأنا اعيش على امل لقاء ثاني!!!!طيب ايش شكله اللقاء الثاني هذا؟؟ وهل يوكل مع الخبز ؟؟؟وإلا بالملعقة ؟؟وبعدين ايش مقاديره ؟؟ ترى انا ما احب الدهنيات !!!

اقتباس: حين ترى او تسمع اوتشم أي شىء جميل ويقفز الى ذهنك من تحب ..

ليش هو حديقة؟؟؟

اقتباس: حينما تبكي .. .وتبكي… وتبكي وحيدا وبعيدا عند فقده وتبقى طول عمرك على ذكراه فلا تستطيع ان تكرهه او تبعده او تنساه ..

لا حول ولاقوة الا بالله !!!

احسن الله عزاكم !!... طيب متى الدفن ؟؟؟

اقتباس: حين تعيش حياة الآخرين وانت سجين عالمك من الحزن والبكاء والشقاء ..

اعيش حياة الاخرين؟؟؟

وشلون يعني ؟؟ مثلا انا اسمي يوسف!! أصير صبري مثلا ؟؟؟ وبعدين صبري وين يروح؟؟؟والله مشكلة !!! ليش اللخبطة هذي؟؟ كل واحد يصلح سيارته وخلاص ! ماله داعي المشاوير..!!

اقتباس: عندما تتوارى .. وتتوارى حزينا صغيرا كسيرا ..

يا حلاااااااااااااااااااااوة!!!

كسيرا بعد ؟؟؟

وش بقي ؟؟ الله يستر لا تقولين : بتيراً ...!!! ثم عاد الواحد وشلون يمشي بقدم واحدة ؟؟؟

اقتباس: فاعرف انك قد أحببت بصدق فهل شعرت يوما بذلك !!.

اهااااااااااااااااااا

يعني كل العندمات والحينمات اللي تو عشان اعرف اني احببت بصدق؟؟؟

والله وجاك الفرج يالمبة !!!

لا يختي مايلزمنااااااش ...!!!

بطلنا ....

مالناش في الصنف !!