[عبدالعزيز عبيد العدواني]

[poem=font="Simplified Arabic,6,darkred,bold,italic" bkcolor="transparent" bkimage="backgrounds/1.gif" border="double,4,black" type=1 line=0 align=center use=ex num="0,black"]
حلمن غشاني قلت عساه لي خير = والحلم كالأوهام ماهو حقيقه


حلمن يحذرني عن الناس تحذير = ناسن خفاياها نوايا عميقه


صحيت من نومي وانا خاطري غير = من هاجسن با قصى الضلوع العليقه


أشوف لي ناسن تحوك التدابير = ولا تستريح الا تدور طريقه


طريقتن ماهي بتحتاج تفسير = والا الذهب واضح بلمعة بريقه


في سوهم غطو على نافخ الكير = يا ليت ممشاهم يجي ما يعيقه


صورتهم في ناظري خوش تصوير = ولو يلبسون من الثياب الأنيقه


صوره وصوت بدون حاجه لتعبير = والنار يا كبرت تولع حريقه


مبطي وانا من شوفهم ضايقن مير = غصبن علي مقابلن فيه ضيقه


أهل النمايم والكلاب السماسير = أقشر بشر ما بين كل الخليقه


يالله ياللي تعتق العبد وتجير = و تجمع شقيقن ضايعن مع شقيقه


إنك تطهرهم عن الأرض تطهير = وتفرج على اللي شوفهم ما يطيقه


وصلاة ربي عد ما غرد الطير = واعداد ما سامح صديقن صديقه


على الرسول اللي يزف التباشير = اللي بنهج الخير بين طريقه[/poem]