صح لسانك اخوووووي فهد مليوووون
ابيات جميله ولكنها مجحفه بحقنا .... 
... وهذا ردي 
اهلاً هلا يانسل وافين الأشــــــبـــار
ياشاعرن شعرك يهـــز الكثـــــيرين
ترحيبتن تـــــــزهى بخــتري ونــوار
يعبق شذاها فوق عــــــطر الرياحين
حكمٍ حكــمــتـــه فيه مانيب مـــحــتار
وكلن لجـــــــنسه ينتصر لو شياطيـن
احدن حكم بالعدل واحــــدن معك جار
وذي عادتن حتى لبعض الســــلاطين
وبعض الظروف تخلي افــــنان عمار
في مجتمع مايعترف بالـــمــــزايـــين
البنت تكتــــــب شعر لا والله العــــار
ذي نظرتٍ بالمجـــتـــمــــع للكـثيرين
حتى ابوي اللي على الــقــــاف بيطار
قال اكتبي يابنت وحذرا تمــــاديـــــن
دايم ينـــــادمــــــني على شبة النــــار
بشعر الوطـــــن والعلم والفخر والدين
وان رق بيتي شفــــــت بالعين محذار
قال احـــــــــذفي هالبيت يابنت تنجين
وصرت اكتب بيوت الغزل تحت الأستار
واذا لمحـــــــته قـــلت بالعلم بــيتـــين
وقمت اكتب اشعاري على وقت الاسحار
واسـامر اختي فيه لـــــيـلـن ولـيـلـيـن
ويومي كبرت وصـــار لي بالـــــوطن كار
اطلقت شعري قـلت يالــيـــل ياعــين
وابـــوي زوجــنـــي ولاصـــار يحتار
بيت الغزل بالزوج مافــيـه تـخـمــيــن
ومثلي كثير من البــنــي خلف الاسوار
لو يتركونه كــــان تــنــشـــر دواويــن
والشـــعـــر مايمـــنع عن الشغل بالدار
ادندن ابــيــاتـــي وأغــســــل مواعـين
ماهيب حجـــــه او تطــلــب للأشـــوار
هل يمنعك شغلك عن الشعر هالحين ؟؟!!
.................... شجوووون ...............