[الشاب الحزين]

السلام عليكم جميعا ....


أول مره أشارك وأول مشاركه قرءتها هي قصيده للأخت العزيزه


الخــــــطــــيرة فلابد من أن أشارك بقصيدة وأتمنى أن تعجبكم



طبعك كذا

تأكدي ماني مثل ما فهمتين ....أنا تمامـــا عكس ما تفهمينه

نصفي غموض با متداده تضيعين....والنصف الآخر صعب تستوعبينه

ذنبي فهمتك كثر ما أنتي جهلتين...وذنبك جهلتي كل ما تدركينه

وعيبك بصحة بعض حكيي تشكين....وعيبي أصدق كل ما تلفظينه

أنا عطيتك فوق ما تستحقين...........ورغم العطا كل العطا تنكرينه

انتي كذا ..بعيون طبعك تشوفين......فعلك يبين كل ماتضمرينه

الى متى ؟وانتي بالاخطا تمادين ....حتى أساليب الهوى تجهلينه

معقول أنا أبني وانتي اللي تهدين ...معقول انا احيي حب وتموتينه

معقول ولا أقول روحي وتلقين.........من نفس طبعك شخص تستاهلينه

بقول لك كلمه قبل ما تروحين ..........ماهو أنا الشخص اللي تناسبينه


وسلامتكم جميعا


البريد الألكتروني alwayli_2568@hotmail.com