منتدى بريدة - عرض مشاركة واحدة - من صدمه الوقت كني وسط غيبوبه:::

[ALIGN=CENTER][TABLETEXT="width:70%;background-color:black;"][CELL="filter:;"][ALIGN=center]

[youtube]
من صدمه الوقت كني وسط غيبوبه
ماعدت أفرّق عدويني من أصحابي

الله يجازي زمانٍ زادت عيوبه
الي جعل كل طعناتي من أحبابي

ما اكذب الي خدعني طيبة اسلوبه
ولا اصدق الي يقول أعدائي أقرابي

وماكنت داري غدت الأوضاع مقلوبه
الين شفت المطوع سمي ارهابي

ياكلمه الحق منتي صدق مرغوبه
الله يحييك يمي فاتـح ابـوابي

عاقل وهادي لكنك صرتي عقوبه
مرات اقفل عشانك قفلت اعرابي

لو كنت أجامل والفي كل منجوبه
ماكان لاجا المعاند تسبق اركابي

ولو كنت شخصٍٍ يسد حضور مندوبه
ماكان لاغبت تفقدني من غيابي

لو كان غيري بيدين الوقت لعبوبه
انا من الناس وقتي يحسب حسابي

لان البدن مالبس ثوبٍ مهو ثوبه
فقـير لله ربـي واعــرف ثيابـي

يا بنت درب الهوى ما عاد أنا صوبه
لو زاد شوقي عليك المر عيا بي

الناس بـ..الشام مذبوحه ومسلوبه
وأنتي تبين الهوى والشوق يزها بي

أنا أشهد انه بصدري نار مشبوبه
واللي يسوى بهم كنه يسوى بي

صحيح نصف العرب ما فيهم عروبه
لا من تذكرت فيصل تغرق أهدابي

يا بنت وين الرجال اللي لهم نوبه
أنا على المسلمين انهارت اعصابي

العمر مكتوب والأرزاق مكتوبه
جعلي أجي في يميني شايل كتابي

لاهنت يالي كلام الحق عذروبه
الله يستر عليك وسجل اعجابي

لِـ المُبدع : عبدالكريم الجباري

[/ALIGN][/CELL][/TABLETEXT][/ALIGN]