[بيسان]

رجعت لمدونتي الغاليه ..
بعد مرور اسبوع مختلط بين مفاجأه حلوه ومفاجأه مررره وبين عرس وكشخه ورقص وبين جرح عديته من اعقل شخص واخر شخص تتوقعه يجرحك او انك بتهتم لجرحه للحين اضحك شلون قدرت تضايقن وهي مالها مكان بقلبي سوى انها عمة عيالي بالمستقبل

وانقطاع خدمتي من البلاك وحافز مافيه ووظيفه مافيه كل هذا صار باسبوع

واما الاشياء الحلوة صديقتي تدق علي وتقولي مشتاقه لك موت وهي ماجت على بالي ومعتبرتها صديقه عاديه وتسالني عن اخباري ولاسالتها تقولي لا لا ابي اسمع اخبارك انتي وبس يالبى قلبها
وبعد من المفاجأت
اروح للزواج واتفاجا بصديقه لي تنط بوجهي وتصرخ باسمي وتضمني على صدرها انا نسيتها ونسيت اسمها وهي مانستني من ايام الثانوي رغم اني ما درست معها الاثالث ثانوي وهي كانت باول ثانوي واتفاجا انها مانست شكلي وللحين تحن لشوفتي والمفاجاه انها تعرف كل اخباري وانا لي 6 او 9سنوات ماشفتها ومن غلاتي تقول انها تعرفني والفشيله انها حست اني ماعرفتها والفت قصه ودخلت اسمها بالقصه لجل اتذكرها وبعد ناسيه ووين شايفتها ومتعرفتن عليها متى فهي بعد حست بهالشيء فحاولت تذكرني بالبنات ليماتذكرتها هههههههه

اه بس لهالدرجه انا غاليه على صديقاتي

وانتهى الاسبوع بعد ماقابلت صديقة الطفوله وسوالف وبيالة شاهي مع يعضنا يالبى