ياسامج الفكر . . ياراع الكلام السخيف
مليت أطانيك . . وأنت تهيم بـ : الثرثره
لمحت لك بس ماتفهم وعقلك : خفيف
كحكحت لك لين راح الصوت و الحنجره
تدحم جبالٍ رواسي وأنت جنبك ضعيف
إجلس هنيا مادامك .. تحت ظل شجره
الوعل لو ينطح و ينجف جنوب : المنيف
ماحركه من مكانه . . لو : بـربع شعـره
تاكل لحوم الجيَف : ياصاحبي . .ماتعيف
تـغتـاب كـل العـرب . . و اللـه ماتـذكـره
يشفع لك انك هنيا جيت : ياضيف ضيف
والضيف حنا نحشمه . . مانبي نخسره
جمل علومك وخل الهرج : هرجٍ لطيـف
ماعلمـوك اهلـك ان : الهـرج فيـه ثمـره
ولسانك المِنطلِـق خلـه : لسـانٍ نظيـف
الهمق و السـب يوصف به لسان المـره
هذا فحيح الحنش هذاك صوت الـ:حفيف
حروفها واحده . . و الفرق : فوق عشره
العقل يبغى ثقل و النفس مثل العسيف
امسـك رسنـها و شِـده قـد : مـا تـقـدره
وختامها إعذر اسلوبـي اذا هـو : عنـيـف
جيتك بوضـح النـقـا مـاجيـت بـالـنـخـوره