[align=center]{ الشرح الوافي .. !! لكلمة احبك .. !! }
السلام عليكم احبتي . .
.. ( احبك ) .. كلمه من اربع احرف
تحمل الكثير من المعاني .. الكثير منا يجهل هذه المعاني
. هذا النص الى من يجهل معنى هذه الكلمه
.. الى من يقولها دون العلم بما في جعبتها من معانٍ
أحبّك ماهي بَسْ كَلْمَهْ أنا دايمْ أرَدْدْها
أحبّك كلمةٍ لا قِلْتَها أقصِدْ مَعانيهــــا
صَحيحْ إنْ الحُروفْ شْوَيْ إذا وِدّك تِعدْدْها
ولكنّ المَعَاني مَا هَقِيتْ إنّك بْتحْصيها
=
ماهيَ معانيها؟
=
وُفَا واِخْلاصْ وظْروفٍ تِعَانِدْني وأعاندْها
مشاعِرْ صادِقَهْ والوِدْ ساكِنْ في مَحانيها
غَرامْ وشوقْ والغِيرَهْ تِبَدْدْني وابدْدْهــــــا
هِيامْ وعِشقْ ولْحونْ الغَلا للْوَصْلْ أغَنّيها
حَنانْ يِشَتِتْ ألأوْهَامْ عَنَ السّرْجُوفْ يِبْعِدْها
وِدَادْ وزوْبَعَةْ هَاجِسْ عَلَى ذِكْرَاكْْ طَارِيها
وِئَامْ ونِيّــةٍ بيْضا عَنَ الهَفْـــــــوّات مِبْعِدْها
وصَراحَهْ مِنْ جَرَائَتْها بِدَىالتجْريحْ يَطْويها
ولَهْ مَجْنونْ لِعْيونكْ حَتّى لَوْ أشَاهِدْها
وخَيالٍ يَسْكِنِهْ طيفِكْ وحِلْمٍ صورِتِكْ فيها
وَلَعْ يِجْتَاحْنِي وهْمُومْ فِيني مَاتْ قَايِدْها
وِنَزْوَهْ مِنْ عَتَبْ لَيّنْ طَراوَتْها تِحَلّيها
شِجونْ وتَضْحِيَةْ عُظْمَى وسوالِفْ ليلْ جَاحِدْها
واحَاسِيسٍ مِثِلْ وَبْلْ المطَرْ للْروحْ تِحْييها
ولَهْفَةْ عاشِقٍ لَجْلِكْ عِدودْ الموتْ يارَدْها
وأمَلْ لَجْلِهْ قِصَرْتْ دروبْ قِدْ طالتْ خَطاويها
حَنينْ وكِبْرياءْ وغَطْرَسْتْ عِذّالْ أجَاهِدْها
وأماني تَكْسِرْ الهامَهْ ولكِنْ ماتِوَطّيها
عَوَاطفْ عِطْرَها عَمْ الحَشا والشّوق سايِدْها
وعَبْرَهْ وَسّمَتْ خّدّينْ وصَارَتْ مِنْ مُوَاريها
وَرَغْبَهْ يِغْتصبْها الوَقْتْ يَهْدمْها واشَيّدْها
وهيبَهْ مِصطِنِعْها لِكْ ولاادْري كَيفْ أبّنْهيها
طَلاسِمْ مِنْ شُكوكْ وظَنْ ونَشْوَةْ خُوفْ أقَيّدْها
وثِقَهْ عَمْيا يِكَحْلها العَفافْ ولا يَبَكْيها
=
ماذا بعد؟
=
قِضَت كِلْ الحُروف بْشَرْحْ أحبّك قُومْ واجْرِدْها
وَانَا كَلمَةْ أحبّك ما بَعَدْ وَضّحْتْ خَافيها
عَرَفْتْ الْحينْ وِشْ مَعْنَى أحبّك يومْ أرَدْدْها
عَرَفْتْ إنّي أرَدْدْها وَانَا قَصْدِي مَعانيها
وتبقى كلمة ( احبك ) خفيفه على اللـسان .. ثقيله على القلب [/align]