[نواف الناصر]

بسم الله الرحمن الرحيم


بدون مقدمات ورغم مرور اربع سنوات الا انه لم يفارق ابيات شعري ..

رحمك الله ياوالدي..

صوتاً..




رسماً..


ابوي راح وروّح الطيب وياه
ياجعل ربي يرحمه في حسابه

لاجيت ابسلى حل بالقلب طرياه
قدره عصبته فوق راسي عصابه

قرم(ن) كريم(ن) ماحصينا مزاياه
في وجه ضيف(ن) ماقفل يوم بابه

عند المصايب ماتعبس محياه
حكيم قولن بالعدل والذرابه

وشلون ابنسى مدته في عطاياه
وشلون ابنسى طيبته في عتابه

ولدك يشكي والمشاعر مطاياه
في وقتن اغبر ممتلى بالكـآبه

لاجيت ابسكت طوقتني حكاياه
يومي صغير ولا اعرف الكتابه

والحين وينه؟؟ ليتني اليوم وياه
في وسط قبرن نحتضن في رحابه


نواف بن ناصر الناصر