[إيثــــار]

كل عام وانتم بخير
ياقماعه انا لي صديقة تعرفت عليها قبل سنتين ونص عن طريق موقع عرضت فيه محمولي للبيع وارسلت لي ايميلها
رغبة بشراء المحمول وهي لبنانيه
واعطتني ايميلها ثم كلمتها بالجوال عشان طريقة التحويل و و والخ
المهم استمرت علاقتي معها
ولم نتطرق يوم من الايام بالحديث عن الدين
مرهـ من المرات قالت لي بدي اشوفك
قلت لها تعالوا لسعوديه
قالت لي ( شو بدي اعمل بالسعوديه )
قلت ماعندكم نيه تجون تأخذون عمرهـ بمكه لعلنا نتقابل هناك
قالت انا مسيحيه
من بعد ماعرفت صار كل حديثنا عن الاسلام والدين المسيحي
وهى تسألني وانا اسالها
بصراحه ماكان عندى ثقافه كثير عاليه عشان احاول احاجها او انصحها
او افتح معها موضوع عن الدين وانهم على باطل
المهم انا الحين محتارهـ معها
ودي اخليها تدخل الاسلام بس ماعندي طرق مقنعه
وهي دايم تسالني عن القران !
ودايم تقولي كلميني عن دينكم ولما قلت لها عن الصلاة والصوم ومادري ايش قالت لي انتم كل شيء عندكم حرام
وتصلون خمس مرات ليش مابتتعبوا
فكرت اجيبها هنا بالمنتدى لكن اخاف تعرمشونها
وانادايم اكذب عليها اقول بروح اصلي يقالي ملتزمه واذا ارسلت لي رساله مقطع اغاني اقولها مااسمع حرام ومن هالكلام يقالي بعطيها صورة صحيحه عن الاسلام وانا من جنبه
وهي مصدقه وتحترم هذا الشيء فيني
وكنت دايم امزح معها واقول ودي اجيكم لبنان بس اخاف تحطين لي بالاكل لحم خنزير
وتتقبل وتضحك مو مثلنا نزعل ونقوم شهر مانكلم بعض عشان اختلاف بالراي
وانا احسها مو مقتنعه بدينهم دايم تقولي احلى مافي ديننا الشموع وبابا نويل

ولذلك
يااخواني ابي استغل الفرصه واسوي شيء حلو بحياتي قبل ما اموت
حد يساعدني ابي هالبنت تدخل الاسلام باي طريقه
لاني احبها وهي طيبه وانسانه روحها حلوهـ مافيها حقد ولا حسد

اختكم ايثار ترحب بإقتراحتكم جميعا

وتنتظركم