[باب كراج]

اليوم مسيان و انا راجع من المزرعة للبيت خربت علي العربجية , فوقفت عند أول مسجد بعد أول لوحة "أفطار صائم" عشان أفطر معهم .. المهم دخلت وفعلاً لقيتهم فالين السماط بالحوش تحت المراوح و على طول تكيت معهم , واول ما كبر الأمام أكلت ثلاث تمرات بعبسهن وبديت أشرب الشوربا بالبادية "بدون ملعقة " ,, و انا قاعدن اشرب وأنفخ الليمونة السوداء لاتدخل بحلقي , فجأة سمعت شيء يخرفش !! تقل واحد *يختل فوق سعف , يوم التفت يمين لقيتة الشايب الي بجنبي ياكل سمبوسا مقلية بصراحة رحمتة , قلت له تبي أعلك لك ياخال .. قال لا وضحك,, يوم شفت ولاوه مركبن طقم سنون للفك العلوي , أما الفك السفلي المسكين يعلك على *الميدة "مافية سنون"

*يختل : يمشي ببطىء شديد .
*الميدة : كلمة أفغانية تطلق على الصبة .