[justify]كنت أشاهد كـ غيري برامج الواقع التي تختص بتجربة شي جديد .. وكنت أتمنى لو أنّي أخوض أحدها . . حتى عشت تجربة واقعية بالكامل .. لمدة أسبوع .. : انتهت فترة أمومتي التي امتدت أسبوع .. إلا يوم .. يالله .. هذا مانطقت به .. حين أخذوا منّي بنتي .. حبييييتها .. وحبيت كل تفاصيل الأسبوع الماضي اللي قضّيته معهـا .. انتزعوا منّي بنتي الليلة ونامت بعيد عنّي .. ، بصراحة ولربما .. يكون بالأدنى يقاس الأعلى .. لكن .. : أسبوع الأمومة الذي عشت بكل تفاصيله بداية من صحيان لنوشة .. إلى بكائها إذا بغت الـ ( الآم .. ) إلى ضحكها على كل شي غبي يضحكها .. ومكابرتها بإخراج دمعتها .. وكيف تركض بشكل غير متوازن .. وإنّها تحتاج للرعاية في كل ساعة .. وحرصي عليها : بالبداية كنت أعطيها زي أكلي شيبسات وبايسن وديو .. إلى أن خفت عليها وكيف بقتلها بهالسموم .. وكيف انتبهت لأكلها وصرت أدقق على كل شيء يدخل جوف صغيرتي .. مروراً بـ الأناشيد اللي تحبّها , وكيف لازم أنطق لها الكلمات بوضوح مشان ماتلغى وكيف أعلمها الكلمات .. و جريي وراها كل النهار أخاف تمسك سكين أو شي يجرحها .. أو يمكن تبلع شي من الأرض .. وليس انتهاءاً بوقت نومها إذا صارت تضوج وتزعل .. ماتبي تنام .. وكيف لمّا يغلبها النوم تصير تلعب بشعري ووجهي ومحاولاتها الليلية .. تبي تطلع السواد اللي في عيني .. وكيف تعطيني كف لاعصبت علي .. وتقليدها لي لمّا أصحى من النوم .. لمـا تفتح الجوال وتعقد حواجبها .. هه .. ، هالأسبوع كان كافي لأن يحيي أي مشاعر للأمومة في نفس كل صبيّة .. يّي شلون الموظفات يخلون أولادهم للشغالات .. والمربيات .. كيف يغيبون عنهم نص النهار .. حرام طفولة أبنائنا تروح بين أمهات مستعارات .. والأدهـى والأمر .. كيف تطاوعهم أنفسسهم يتركون أولادهم ضايعين بقرار زي الطلاق .. !! ، بعد هالأسبوع عرفت وش يعني أبناء .. وعذرت أمّي على خوفها عليّ .. وعرفت كيف هم أمانة .. وأرض خصبة لكل مايزرع فيهم .. بنتي كانت مستعدة تستقبل أي شي يصدر منّي .. وكيف إني أنا فعل وهي ردّة فعل .. وأكيد بعد كم سنة بتصير هي فعل .. بتقتبسه من ردة فعلي .. اللي امتصتها وهي صغيرة .. يآكثر الكلام والحب اللي بصدري لها .. لكـن عزائي إنّها ماراحت إلا لأختي .. هه [/justify]
مَطيورة