[طير الوسيطي]

فيني هموم وحزن وطعون واوجاع

اهداء متواضع اتمنى ان يحوز على اعجابكم ..


************ سلسبيل الحل ********


أرجوك شفني من عنا الوقت ملتاع
******** حتى الصبر ماعـاد لي فيه حيله


فيني هموم وحزن وطعون واوجاع
******** وكل الجهات الاربعه مستحيله


وانتي وانا والحـب يابنت بصراع
******** والنفس في عزّه !!ولا هي ذليله


الحـب واحد ماله اشكال وانـواع
******** من خـلقة الدنيا وهـذا سبـيله


صـدق المشاعراصلها حلوالاطباع
******** نـبراس "باق الحـب" لازم تجيله


ولبّست قلبي عن هوى الغير بقناع
******** والخل وش...يسوّى بليّا خليله ؟


والقلب ماهو عن"عطا الحب" جزّاع
******** "خـذ الكثير" وهـات باقي قليله


زرعت لك في"روضة القلب" مرباع
******** وسقيت روض الحب من سلسبيله


تثمر" بساتين الغلا " وسط الاضلاع
******** كلّي " امل " يا شوق اجني حصيله


يمـكن يقوم الحـظ مرّه وينصاع
******** وان مات يبقى الحب ذكرى جميله


يابنت انا من"قـاسي الوقت" ملتاع
******** حتى" الصبر"ماعـاد لي فيه حيله


فيني هموم وحزن وطعون واوجاع
******** ومن وين ما وجّهت روحي عليله


>>>>>>>>

تقبلوا تحيات اخوكم طير الوسيطي