( البراءة من جميع التهم )
هذا فيه أثنين أخوان . متوفي أبوهم وأمهم ...
واحد منهم غني ( تاجر ) مغنية الله .. ومتزوج لكن له سنين كثيره وما رزقه الله بأطفال ...! 
والثاني أخوه .. فقير وما عنده اللي يكفيه من المال .. وهو متزوج وما شاء الله عنده من الأولاد الكثير .. ومع مرور الأيام أصبح غير قادر على تحمل نفقة مصاريف أولاده .. وحتى أيجار البيت أصبح غير قادر على سداده .. 
المهم راحت الأيام وقال بينه وبين نفسه .. مالي الا أخوي هو اللي راح يساعدني .. ولما قرر أنه يروح لأخوه التاجر .. راح له وقال له يا أخوي .. أنت تاجر وما عندك أولاد تصرف عليهم .. لكن أنا عندي أولاد وفقير وأصبحت غير قادر على تحمل نفقة أولادي .. وأبيك تساعدني لأنه علي ديون وأبيك تساعدني علشان أصرف على أولادي وأسدد الديون ..
قاله أخوه : مو مشكله راح أساعدك لكن بشرط ....!
قاله : ايش هو الشرط ...!
قاله : أبيك تدعي لي أن الله يرزقني بأولاد ... وأذا الله رزقني أولاد راح أعطيك البيت اللي أن ساكن فيه ..!
قاله : ابشر وراح أدعي لك ليل ونهار أن الله يرزقك بأولاد ... المهم راحت الأيام وصار الرجل الفقير صار يدعي لأخوه كل أخر ليل . يدعي له أن الله يرزقه بطفل .. ولما راحت الأيام رزق الرجل التاجر ( بطفل ) وفرح فيه فرح كثير .. وعالطول راح له أخوه الفقير . وقاله عطني بيتك لأني دعيت لك الله أن الله يرزقك بطفل .. قاله التاجر : أبشر وهذي بيتي خذها ملك لك ..
المهم أخذ البيت وعاش فيها أخوه الفقير .. ومرت السنين .. ولما كبر الطفل . عرف أن البيت اللي ساكن فيها عمه . هي من أبوه . عالطول هو راح الى ابوه . وقاله : يا يبه البيت اللي ساكن فيها عمي تراي أبيها .. قاله أبوه لا لا لا .. هذي البيت لعمك مهديها له . لانه داعي لي أن الله يجيب لي مولود .. قاله ولده : مالي دخل أبيها ابيها والعماره الى الان بأسمك مو بأسم عمي . وقاله : تراه أذا ما عطيتني البيت ابطلع من البيت وابخليك يا يبه .. طبعا أبوه لما عرف ان الدعوى كذا .. عالطول راح لم عم ولده وقاله العماره اللي عطيتك اياها تراي أبيها لولدي ,, قاله : لا لا لا . هذي العماره انتي اعطيتني اياها وما راح ارجعها لك .. ولما شاف انه مصمم انه يبيها لولده . عالطول راح للمحكمة يقدم شكوى ضد أخوه 
.. وهو بالطريق بالمحكمه لقى ( حمار ) ومسك ذيله علشان يجر الحمار من الجفرة اللي طايح فيها . ولما جره أنقطع ( ذيل الحمار ) .. طبعا صاحب الحمار عالطول راح يشتكي الرجل الفقير . ولما دخل الرجل الفقير للمحكمه . علشان يقدم شكوى ضد اخوه . تفاجأ أن صاحب الحمار جاي للمحكمه يقدم شكوى ضده .. وكان بوقتها يوم الاربعاء بعد صلاة الظهر . ولما عرف القاضي أن القضيه راح تطول . عالطول سجن الرجل الفقير لأنه قاطع ذيل حمار .. ولما أنسجن . وفي يوم الخميس حاول انه ينحاش من السجن . وطلع من فوق السطح حق السجن . وطب من فوق . واثاريه طاح على أحد المارة اللي على الطريق . ولما طاح عليه تكسرت ضلوع ظهر أحد المارة .. ( يعني ياويلي الرجل الفقير . صارت عليه قضيتين .. قضية ذيل الحمار .. وقضية الرجل اللي كسر ضلوعه )
مسكوه ورجعوه للسجن .. وأثناء وجود أصحاب القضايا لتوجيه التهم ذد الرجل الفقير .. قال راعي الحمار للقاضي : يا شيخ . هذا قطع ذيل الحمار حقي وابيك تحاكمه .. 
قاله قاضي المحكمه : خلاص أحنا راح نحاكم المتهم .. والمحاكمه هي أنك تعطيه الحمار حقك وتخليه يعطيه اكل طول الفترة الجاية . وأذا كبر ذيله من الاكل يرجع لك الحمار ...
قاله راعي الحمار : كيف اعطيه الحمار حقي وانا كل رزقي بالحمار حقي لاني أحمل أغراض تجارتي بالحمار حقي .. عاد قاله الشيخ بكيفك اذا انت راضي بالحكم فأنت عطه الحمار حقك .. قاله خلاص خلاص انا راح اتنازل عن القضية وما ابي منه شئ ههه ..
ثم بعد ذلك جاء التاجر اخو الفقير : وقاله الشيخ ليش تبي تاخذ منه البيت وانت معطيها اياه .. قاله : لان ولدي يبيها .. عاد قاله الشيخ : لكن هو داعي لك ان الله يرزقك بمولود .. واذا أنت ما تبي مولودك عطه اخوك الفقير ... قاله : لا لا لا أبي ولدي ... عاد قاله الشيخ : خلاص اجل تنازل عن البت لاخوك الفقير .. قاله : خلاص ابتنازل ههه
ثم بعد ذلك جاء صاحب الشكوى اللي متكسرات ضلوعه من الرجل الفقير : وقال لقاضي المحكمه : يا شيخ هذا طب من فوق السطح علي وكسر ضلوعي وابيك تحاكمه .. قاله الشيخ : بسيطه محاكمته .. قاله : كيف ... قاله الشيخ : اذا انت تبي تاخذ حقك منه ,, ابيك تطلع فوق السطح ونخلي الرجل الفقير تحت . وأنت طب عليه من فوق السطح وكسر ضلوعه 
.. وبكذا يكون أنت أخذت حقك منه ههه ,, قاله : لا لا لا خلاص أنا ابتنازل عن القضيه مدام ان الدعوى فيها طيحه من فوق السطح ههه ..
وبكذا الرجل الفقير ( أصبح برئ من جميع التهم ) ...!
*****************************
دااائما أبحث عنك ..
داخل صمت لوحات رسمها قلبي
بريشة الحب الأبدي ..!
أتطلع أليها لأستنشق تفاصيل وجهك ..
داخل قصص , وروايات العشق المحفورة في ذاكرة الزمان ..
لأراك أجمل ..
وأعشقك أكثر ..
بلا أبتداء ولا أنتهاء ..
أتمناك في كل لحظة ..
وأموت شوقا في بأنتظارك ..
وأعشقك أنتحارا و موتا و جنونا و خيالا و حياة و حقيقة ..!
******************************
هذه من ضمن صور رحلتي لأحد دول الخليج .. وسأضع الصور والتقرير في مشاركاتي القادمة في مدونتي بأذن الله ..!
في المشاركة السابقة وضعت صورا لرحلتي للكويت وأنتهيت من وضع الصور .. لكن الصور القادمة لدولة أخرى خليجية ..!