السلام عليكم ورحمة الله بركاته
سراب ||
للمنشد || فهد مطر
سراب وضحكة صفراء بلا رحمة و أمل كذاب
و أحاديثٍ تدوس من البياض اللون والمعنا
تزور عيوننا نفحة هنا و تموت عند الباب
و تذبح صادق النية و تسري في مواجعنا
نسد الدرب في وجه الظنون و نجرح البواب
و نمشي في طريق الصبح لين الليل يصفعنا
مجانين البياض قلوبنا تضحك و لا ترتاب
و لو شمس الهجير تذيب أملنا في مرابعنا
نفيض اخلاص نعطي من محبتنا بدون حساب
نحسب الناس كل الناس نسخة من طبايعنا
نرش الدرب للنشوان ولعينه نصير أهداب
و نبكي لا بكى المجروح حر بكاه يدفعنا
نحب النور لجل النور, لو نور النواظر ذاب
تحملنا عنانا لو غرقنا في مدامعنا
لنا في هامة العليا سكن ومن النهار ثياب
ولنا من نفحة الطيب الشذى والحق يقنعنا
نعيش أغراب بين الناس و إن متنا نموت اغراب
و تنسانا العيون اللي لجل سلوانها ضعنا
غلط لكن وش الحيلة طبيعة والطبع غلاب
نتوب وننقض التوبة ونور الصدق يتبعنا
حياكم