[محمد الصقري]

بداية اتشرف بالتواجد هنا في هذا الصرح العظيم ..
واتمنى ان يكون وجودي ذو اثرٍ ايجابي بينكم وتلامس مشاركاتي المتواضعة قلوبكم


البداية بقصيدة ( يارب تسعد ) والتي كانت لأحد الاصدقاء
بعد أن حالت المسافة بيننا بعد ان كانت اقرب من الانفاس للصدر

القصيدة بإلقاء الشاعر ابو ريناد تجدونها
http://www.4shared.com/audio/J_7fzH-o/__online.html
مع الشكر للمهندس موقد الابداع للمسات الراقية والاخراج النهائي



يارب تسعد من جفاني وأنا أبيه
وتصبّر لساني على كلمة أبغاه


أبيه يدري وش كثر كنت مغليه
ماكنت أشوف الموت إلا بفرقاه


وأبيه يدري كم من الحب معطيه
ما يذكر انه كل ما يطلبه جاه


وأبيه يقدّر صحبة اللي كتب فيه
حتى عيوني لو تمنّاه تفداه


كل القصايد طاوعت نظمها فيه
حتى القصايد قالت شلون يجفاه


أنا الوحيد اللي بهالكون مغليه
وهو الوحيد اللي عيوني تمنّاه


كنت أتمنى أسعده كنت أراعيه
كنت أحسد افراشه وهو ماتغطّاه