هل تعلم عزيزي القارئ ان السعودية تمنح مايعادل 25 تصريح زواج من اجنبيه يوميا .......وهذا العدد مو هين لو 25 بنت سعوديه تتزوج كل يوم من ولد بلدها كان قضينا على النسبه العاليه للعنوسه في البلد .....ولما نشوف الشروط اللي الحكومه تعطي فيها تصريح نلاقي ان الشاب لازم يكون فوق خمسه وثلاثين سنه او مطلق او ارمل طبعا غير الواسطات وما ادراك الواسطات و ايش تسوي طيب الرجل اللي 35 او 40 او 50 سنه قادر على عفه بنات البلد ليه يعطونهم تصاريح زواج وبنات البلد اولى .....المشكله ارتفعت عندنا نسب الطلاق بنسب مهوله هذول البنات من ياخذهم ويستر عليهم بالاضافه الى العوانس والارامل .....وبكذا انتشر الفساد في البر والبحر ولما جو بعض المشايخ يحلون المشكله (الله المستعان ) طلعو لنا بالمسيار وما ادراك مالمسيار واللعب اللي سوه عيال البلد وبكذه تغلف عندنا الفساد بالحلال ....
طبعا البعض يقول عندنا غلا مهور (كلام مو صحيح ) في عوائل وقبائل تزوج بناتها على 7 و8 الاف ولو جينا نشوف دوله قريبه مثل سوريا تذكرتك انت لوحدك رايح جاي 6 الاف غير قول 5 الاف بيزوجونك فيها وتذكرت العروس جايه 3 الاف صدقني 15 الف رايحه من جيبك وانت تقول المهر بس الفين ....طبعا الاجانب يسهلونها في البدايه لانك كل سنه حتطلع مالايقل عن عشره الاف سنويا زياره لاهلها غير اذا جالك منها 5 او 6 عيال حتصير ثلاثين الف وياقلب لاتحزن عند مرور 30 سنه تكون كريت قيمه منزل ويكون مهرها اغلى اضعاف اضعاف مهري ....
.........أنا فتاه سعوديه ابلغ من العمر 21 سنه في كليه الاداب قسم دراسات متدينه جميله احلم كل يوم اتزوج ويكون عندي ولد أشوف زميله ليه حامل وأقول الله متى يصير عندي زوج واحمل وبيت (انا ضد تاخير الزواج)صرت 25 سنه تخرجت جلست بالبيت مافيه وظايف . أخويه طلع تصريح بعد حوسه سنه تزوج سوريه مافيها زود انا واخواتي اجمل منها بكثير سبحانك يارب النصيب يصيب أمي شافتها زعلت عليه قالت هذه اللي تعبت نفسك عشانها الحين لازم اعزم الجماعة وش يقولون (شرهه ) اخويه زعل ...المهم.....لما شفتها تشجعت قلت انا شكلي ما حتزوج لين اطلع ويب كام ويعجب فيني واحد لا تفهموني خطاء قصدي الزواج الحمد لله أنا اصلي الفروض والرواتب والسنن بس البيت والوحده زهق ......طلعت ويب كام ثلاث مرات الثالث هو اللي صدمني قال انتي من جدك انا لو بتزوج بتزوج وحده من بيت أهلها مو عن طريق النت قلت اخويه حب وحده بسوريا عالنت وراح تزوجها والا عشان انا سعوديه .......مشي حالك صرت 28 سنه ولا بعد حملت ولاجبت الولد ولا زوج ولا بيت قالت لي زميلتي فيه موقع زواج بالنت ادخلي شوفي دخلت لقيت مسيار لا طبعا ما ابغى زوج يجيني نهايه دوامه بالظهريه يقضي وطر ويروح ابي اتزوج واعيش زي كل بنت عاشت حياتها اطلع مع زوجي انزل معاه السوق اطبخ وناكل سوا يعني بيت زي أي بيت .... ممكن اكون زوجه ثانيه بس مو مسيار انا مو مطلقه ولا ارمله انا وحده لسا ما عاشت حيلتها وما تدري متى تعيشها.....ليه مانرجع زي اول ماكنا نعرف المسيار مانعرف غير الزواج الشرعي اللي على سنه الله ورسوله .....حتى البترول صار نفسي يخلص وماحد يطالع بفلوس رجاجيلنا ونفتك ......
من واقع تجربتي
ألا توافقوني الرأي ان الحكومة يجب أن تمنع التصاريح للزواج من أجنبيات بشكل نهائي باستثناء المعاقين ومن تجاوزو الستين (لان أبو ستين صعب أن يعف لكن بيلاقي عروس برا لان عنده فلوس يعني بتاخذه عشان الفلوس والبيت)؟؟وأي شخص يتزوج من برا يجب أن يعاقب وبشده بان يعامل كمواطن من درجه ثانيه في التوظيف والعلاج وحقوق الجنسية السعودية؟؟؟ ويقفون زواج المطلقين والأرامل من برا لأنهم هم عز الطلب مو واحد خايف من زوجته ويتزوجني مسيار ووقت ماتكتشف تقول طلقها؟؟خلو المطلقين والارامل لنا يسترون علينا اش حقه تخلونهم يسترون على الاجنبيه عندها عيال بلدها يسترون عليها؟؟؟؟؟؟؟