ما تسيبنيش بأه ... شكلها تقول كذا ...
ما كنا نتوقع أنه يبي يجي يوم ويبي يصير بمصر وتونس بمثل هالمظاهرات هذي .. لكن اللي خلاهم يسوون كذا هو بسبب الفقر . لأن شعب مصر مقسم قسمين .. فيه قسم تلاقيهم تجار وفيه قسم تلاقيهم يعانون من الفقر .. يعني ما فيه وسط .. وحتى الاردن نفس الطريقة هذي .. يا تلاقي واحد تاجر أو تلاقي واحد يعاني من الفقر . ولا يوجد وسط ..
أنا رحت كثير لمصر .. وشفت هناك الناس .. وبحمد الله على النعمه لما أشوف ناس نايمين بالشوارع أو ناس يشحذون .. يضيق صدري أذا لقيت أحد محتاج شئ . ويضيق صدري أذا لقيت أحد منهم ما يلاقي الاكل ياكله ... طبعا هنا الكثير هنا خاصة بدول الخليج الكثير يتشمتون بالدول اللي فيها فقر والدول اللي فيها ناس يشحذون .. أنا أستنقد اللي يتشمت بالشعوب الفقيره .. تلاقي بعض الناس هنا . أذا قلت مثلا شعب مصر أو شعب سوريا أو شعب تونس .. تلاقيهم يقولون وع فيهم ذولا أذا رحت تزورهم يبلشونك الشحاذين اللي بالشوارع .. أو تلاقيهم يقولون ذولا أكثرهم ناس تسرق من السياح .. أو تلاقي بعضهم يتشمت بمعيشة الشعوب الفقيرة ... أنا يقهرني اللي يتشمتون ويقولون مثل هالكلام ....
فلو قلنا أن شعوب هذه الدولة شحاذين . فلا ننسى أن سبب الشحاذه هي الحاجة .. لان الفقر هو اللي خلاهم يسوون كذا .. وهذا مو عيب أنهم يشحذون . لانهم مالقوا شئ ياكلونه .. علشان كذا ما أحب اللي يتشمت بالشعوب اللي تشحذ من السياح ...!
ولو قلنا بأن شعب الدولة الفلانية . أكثرهم يسرقون .. فلا ننسى أن بعضهم يسرق بسبب أنهم محتاجين .. فأنا لا أبرأ اللي يسرقون .. لكن لو لاحظنا هنا بالسعودية . تلاقي الواحد يأكل ويشرب ومعه جوال . ومعه سيارة . وتلاقيه مع ذلك يسرق عيني عينك
. ومو شرط أنه يسرق يكسر باب أو يدخل لبيت ويسرق . لكن تلاقي بعضهم هنا بالسعوديه تلاقيه يسرق بطريقة أخرى , تلاقيه يأخذ سلفه من أحد سواء من زميله أو من غيره . وأذا قلت له جب فلوسي اللي أستلفتهم مني . تلاقيه يتهرب أو تلاقيه يتحجج أنه ما معه فلوس .. فلو لاحظنا لوجدنا أن السرقة عندنا منتشرة بكثرة لكن بطرق مختلفة .... علشان كذا أنا ألوم اللي يتشمت ببعض الدول اللي يقولون ان شعوبها يسرقون السياح ...! فليش نلومهم وحنا عندنا السرقات منتشرة . أنا ألوم اللي يقول كذا . لأن لو نظرنا لوجدنا أن عندنا تلاقي الواحد يلقى اللي يأكله وعنده سياره . عكس الشعوب الثانية .. علشان كذا ألوم اللي عندنا أكثر وأكثر ...!
أنا دااائما لا أنظر بنظرة واحده .. أنا أنظر بنظرة متساوية ... لأني ما أحب الواحد اللي يعيب أحد الشعوب وتلاقي أن العيب موجود بشعوبنا ...
فلو رجعنا للوراء في العهد الماضي .. لوجدنا أن أجدادنا سبق أن عانوا من الفقر الشديد .. فهل نحن عبناهم .. لالالالالا ... اذن لماذا لما رزقنا الله من فضله بدأنا نعيب الدول الاخرى بالفقر ..
فلو رجعنا قليلا لوجدنا أن أجدادنا سبق أن أكلوا بعضهم من الفطيسه بسبب أنهم لم يجدوا ما يأكلونهم ..
فلو رجعنا لعهد أجدادنا .. لوجدنا أن بعضهم يسرق الطعام لكي يجد ما يأكله ..
حتى أنه يذكر بأن عجوز في العهد الماضي كانت تمر على البيوت وتطق بابهم . واذا فتحوا لها الناس تطلب منهم أن يطعموها من الأكل . وهي تمر على البيوت . مرت على بيت ويوم طقت الباب وجي تطلع عليها أمرأة .. وقالت لها أبيك تعطيني شئ أكله . وجي المرأة هذي شافت تمره مع اللي تشحذ . وعالطول المرأة اخذت التمرة من اللي تشحذ وأكلتها . وقالت لها ما عندي لك شئ .. وعيني عينك أكلت تمرت اللي تشحذ ...
في السابق أجدادنا قتلهم الفقر قتل .. وحت أن بعضهم يذهب لدول الشام أو لمصر أو للسودان من أجل طلب الرزق .. كل ذلك بسبب أنهم عانوا من الفقر ... ثم بفضل من الله أقتلبت الموزاين وصرنا شعب عنده المال وعنده ما يأكله وما يشربه ... وصاروا الدول اللي كانوا يشتغلون عندهم أجدادنا صاروا دول فقيرة .. وصاروا بعض شعبنا يتشمتون فيهم بسبب فقرهم ... لا حول ولا قوة الا بالله ...!
سبق أن قالي جدي .. احمدوا ربكم على هذه النعمه اللي رزقها الله لشعبنا ... فلو جاكم الفقر اللي كانوا يعانوه منه الناس في السابق فلن تجد أحد يتحمل منكم هذا الفقر .. حتى الكهرباء لو ينقطع يوم واحد في الصيف . تجد أن كل الناس غير متحملين العيش بدون كهرب ...!
وللأسف الان بعدما صار شعبنا عندهم من المال . صار بعضهم يسرق أو بعضهم يظلم . أو بعضهم يكفر بالنعمه .. .. والسرقات اللي تحصل في وقتنا الحالي هي أكبر دليل على كلامي هذا ...!
لكن اللي علينا هو أننا نحمد الله على النعم الذي رزقنا الله فيها ... نأكل ونشرب ومعنا سيارات ونشتري أغلب الأشياء اللي نتمناها ... فهذي أكبر نعمه اللي أتمنى من الجميع بأن يشكروا الله عليها ... حتى تدوم علينا النعمة .. وحتى لا يعاقبنا الله بالفقر
