صار خوفي ما راح عبث يوم كنت خايف من قلع ضرسي ..
مرت 3 أيام وذقت العذاب يوم قلع ضرسي الدكتور .. قبل ثلاث أيام رحت لموعد قلع الضرس . وحط لي بنج . وبعدها بربع ساعه لما بدأ مفعول البنج . جاب المعدات وقالي أفتح فمك . وقلع ضرسي ااااي ااااي .. أمزح ما توجعت بشئ . لانه حاط فيني بنج .. لكن المشكله يوم قلع ضرسي . ابتدأ نزيف الدم . مع انه حاط قطنه بس ما فادت وصار كل الليل ينزف بس بطريقه متقطعه .. ونمت وصحيت والحمد لله فرحت لما شفت النزيف متوقف ... وأبتديت أعيش حياتي الطبيعية . ثم بعد صلاة المغرب من اليوم التالي . رجع النزيف وعالطول رحت لم دكتور الاسنان . وقلت انه رجع نزيف الدم . قالي شئ طبيعي (
الله يخس ابليسه أيش شئ طبيعي ينزف كثير ) قالي خذ هيدا اسم وصفة علاج تشتريه من الصيدليه طبعا اعطاني وصفة علاج حق مضمضه لألتهابات الاسنان ... طبعا انا ماكنت اعرف ان وصفة العلاج هو حق مضمضه .. انا طلعت من الدكتور ومعي الورقة اللي مكتوب فيها اسم العلاج اللي راح اشتريه من الصيدلية .. وركبت سيارتي ووقفت عند اقرب صيدلية . ودخلت على الصيدليه . وأثر اللي يبيع ( مصري ) لكن باين من شكله أنه جديد وتوه جاي للسعودية
. واعطيت الصيدلي الورقه اللي مكتوب فيها اسم العلاج . ثم جاب لي علاج . وقالي بص يا أستاذ . عوزاك تستعمل العلاج ده مرتين في اليوم . ثم قالي لأه عاوزاك تستخدمه تلات مرات في اليوم . وابتديت أشوف شكل العلاج .. قلت كيف طريقة أستعماله .. قالي تاخذ حبه وتمصها بلسانك . عاد انا وانا جالس اقلب بالعلاج . واشوف مكتوب عليه فيتامين سي .. المهم أنا طلعت من الصيدليه ومعي العلاج . ثم فكيت العلاج وجي أناظر أيش مكتوب فيه . واثره مكتوب بالتعليمات . (
هذا العلاج صالح لمن هم فووق الاربع سنين (
يعني يصلح للاطفال ) ههه
. عاد يوم اخذت حبه وحطيتها بلساني . عاد وانا امص الحبه كأنها حلاوه .. عاد انا اقول ياليت كل العلاج طعمه كذا ههه . عاد وانا امص الحبه قلت شكل النزيف راح يوقف بعد دقائق . ههه ..
رحت انا اخذت قهوتي وجلست بالاستراحه رااايق . لكن اشوف ان النزيف أبتدأ كل اشوي يزود .. ثم قربت كرتون المنديل وابتديت كل اشوي امسح النزيف اللي ينزل .. ماش اشوف ان كرتون المنديل قرب يخلص . ثم بعدها قررت اروح للبيت . ومريت البقاله واخذت كرتون منديل ودخلت للبيت وابتديت كل اشوي اخذ منديل وامسح نزيف الدم . والصراحه أتوقع أن نص الدم اللي في جسمي راح ( الله يستر ) .. المهم ولما صارت الساعه
1 بالليل يوم شفت ان النزيف رفض يوقف . عالطول ركبت السياره ورحت لم الاسعاف . وحولوني لغرفة الجراحه بالاسعاف . وجاء لمي الطبيب العام المناوب . وعلمته انه فيني نزيف دم بضرسي . وعالطول اتصل على الدكتور حق الاسنان اللي يشتغل بالاسعاف . ثم بعد ربع ساعه جاء دكتور الاسنان بملابسه العاديه جاي من بيته . وعالطول لبس البدله . وبدأ يعالج ضرسي وحط لي قطنه وفيها محلول وصرف لي علاج .
