نسيت أقولكم : المثالية .. هي انك تطيع بابا وماما .. وتصير مؤدب وراضين عنك .. من يشاركونك في الحياة وبنفس الوقت المثالي اعلاه تبع ماما وبابا والحليب قبل النوم : لازم يكون يعرف يكذب كويس .. وماتنكشف كذبته ويصير انيق ومرتب ولبق وهو مع من ( لايعرفه) كريه بذيء وقذر .. يعامل زوجته كويس جداً بس يخونها مع بنت بلعبة البلياردو ولسانه زفت مع كل اللي يشاركونه مكانه الوظيفي إلا المدير .. يعرف يسافر برا ،، بس يرجع بدون أمراض : زهري ، سيلان ، أيدز ،، ومافي مكان إبر على يدينه أمممم ... بس فوق هذا كله طيب وحبيّب ومرضي والدينه .. وكل جمعة يتصل على أقربائه .. ويقط معهم بصندوق القبيلة بس يسب ويشتم اليوم اللي صار له أقرباء من هالنمونة ، يتكلم عن التربية ... وأهمية التربية .. وعلاقة الفرد بالمجتمع والحكي الفاضي هذا .. لكن : أولاده .... ! انتم أعرف صح ؟ وش بعد .. ايه : لازم يكون له توجه فكري معين .. لأنه يستحي ينقال عنه .. انسان عادي بدون توجه .. ( إلا على فكرة وشو التوجه الفكري ؟ ! ) ياشباب وياصبايا من الحين بطلوا عبط وصيروا مثاليين
مَطيورة