أولا أشكر الاخ الغالي مشاكس على اختياره لي
ثانياً أنا أعتذر على التأخير بصراحة ما أنتبهت
وبالنسبه للقصيدة هذي من القصائد الي أعجبتني وأتمنى إنها تعجبكم
مشكلة لاصرت طيب وقالوا لك هبيل
وأنت طيب في التعامل وقلبك موسعه
ومشكلة لاصرت مظلوم وفي يدينك دليل
ويجهلك حكم العدالة وصوتك يسمعه
ومشكلة لاصرت ظالم وقالوا لك نبيل
واشهدوا لك بالشهامه و غشك تجمعه
ومشكلة لاصرت وافي ولك حظ قليل
مايريحك غير دمع تحدره أربعه
ومشكله لاصار حزنك تدورله بديل
كيف تطفى وسط الفؤاد مولعه
ومشكلة لاصرت مخلص ووافي للخليل
والعزيز اللي تعزه شعورك يوجعه
ومشكلة لاصرت عالي وفي الآخر عليل
والغرام اللي بقلبك لشوقك تودعه
ومشكلة لاصرت تعطي ولاتلقى جميل
من أوادم خانوا الطيب بأول مطلعه
ومشكلة لاصرت عاجز عن الحمل الثقيل
وفوق حملك داخل الجوف حزنا يودعه
ومشكلة لاصرت مبلي من الرب الجليل
حكمة الله لابغاها ولا أحد يمنعه