[align=center]
بعد الفقر حطت شريحـة وجـوال
يسعد مسـا جوالهـا والشريحـه
كانت تجيني تشتكي قلـة المـال
وتصيح لاجا طاري الفقر صيحـه
تقول أبويه دايـم الـدوم رحـال
وأمي كبيـرة سـن دايم طريحـه
وأنت الوحيد اللي لك القلب ميـال
دايم يصارحني وأنا لـه صريحـه
طفله وأنا معشوقها بين الأطفـال
جريح حب وطاح له في جريحـه
كنا سوى نرسم على التربه آمـال
وحلام تقتلها الحيـاة الشحيحـه
كم دمعةٍ كانت على الخـد تنهـال
وإذا نزلت ضاقت على الفسيحـه
الله كم صرخة وهمسـه ومـوال
الله كم جـادت علينـا القريحـه
نخيل لوما في السماء برق وخيال
وأقول أنا (راكان)وانتي(مليحه)
تقول لا حطيت لك بشت وعقـال
وسخر لك الرحمن عيشه مريحـه
أخاف تتركني على عثـرة الفـال
للفقر ووجيـه الحيـاة القبيحـه
وحبيتها بيـن الخلايـق والأزوال
حبٍ يطول الوقـت محـدٍ يزيحـه
وسلمتها قلـبٍ تباريـه الأهـوال
وطاح الخفوق وطيحة القلب طيحه
راحت وخلتنى مع القيـل والقـال
شاعر وصـايف والدهر تستبيحه
ودار الزمان وغير الحال بالحـال
وجاها الزمان بكل ورده وشيحـه
فلة وخدامـه ولكـزس وجـوال
وأنا عجزت أدفع رسوم الشريحـه [/align]