[|كيـــرلا..]

[poem=font="mudir mt,6,purple,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الله يجازي من يسوي سواتك = وبذنوب من سوى سواتك يجازيك
مشيت درب الثقل وتحب ذاتك = ماتدري انه للمهالك يوديك

غرك جمالك ياخساره حلاتك = ماتدري ان ماغير طبعك يحليك
بتقول زينك يشفع لسيآتك = الحسن ماهو عن وفا الحب يعفيك

لو التواضع والوفا من سماتك = بعت الحبايب كلهم دين واشريك
لكن عجزت اغيرك ياجراتك = على الغياب اللي بلا عذر ينجيك

خطاي في توضيح وشي غلاتك = وخطاك في توضيح وشو تغليك
وشلون توصيني وتنسا وصاتك = وتصد عن صوتن تقطع يناديك

مافاتك التجريح والعذر فاتك = وتبغي الراي الحيل ماعاد يمديك
صحيح احبك بس هاذي جزاتك = بعلمك درس يفيدك ويحييك

تدري ابيض من خفوقك عباتك = وتدري اللي غرني نظرتي فيك
ادري بتستغرب تصبر.. وجاتك = قصيدة من واحد كان يبغيك

تبغي تناظر وانت عايش مماتك = شف وحدتك والناس تجلس حواليك
تبي تشوف اشجع رجل في حياتك = شفني وانا راحل على كثر ماغليك[/poem]