[نـــزف اصيـــل]

وحشة شعور ...

غربة ..

وليلٍ بارد ٍمظلم ..

وانا لحافي قلبك الطيب فقدته ..

صوتك ..الأعذب فديته ..

كان ياخذني بعيد ..

كان ياخذني سحاب ..

وكان يشربني مطر ..

وينها ساعة لقانا ..هاجرت ..؟؟

انا فيني هالشعور ..وساعة الدمعه مضت

دخيلك الليله ..اهيم ..

والبارحه عفت القلم ..

ملّيت اشوفك هالرصيف ..

وكل حجر منه ألم ..

انوار هالشارع ..طفت

مابقى غير القطط ..

تبحث بجدول حنانك ..

تسأل ..الشارع ..مرورك ..

تسأله ..موعد زهورك ..

او نفس ..منك يزوره ..

ياحنانك ..ياكوكب الطيبة ..كلامك

يابسمتك ..ياضحكة الدنيا ..ابتسامك ..

انت ..شي مستحيل ..

شي نحدد له صفات ..

اي صفات ..؟؟وأي كلام ..؟؟

شوف..ذبولك ..صبح

وجنة ياسمين ..

منهو ملك هذا الجمال ..

غير ..تفاحة ..وجودك

خذني على اغصانك..زهر

خذني بقفص حبك ..طليق

مليت انا سجن ..الوداع

مليت انا سجن الشوارع والشعور ..

احساسي طير لما اشوفك ..

عيونك هي لي الفضا ..

وجنحاني ...اللهفه ..كفوفك ..

احساسي غير ..لما اشوفك

رمشك المجرم ..حنون

والمبسم الباكي ..فرح ..
* * *
اشتعلنا ..بليلة غيابك ..شموع

وسهرنا ..

بزاوية شارع مرورك ..

وش كبر ..هذا أملنا ..

نبتسم ..ونقول بااكر ..

والشمع ..ذاب احرق يدينا ...

ونرجع نعيد ..يالله باكر ..

بسمته ...تهطل علينا ..

المباني ..والشوارع ..والقطط

كلهم معنا ..سهارى ..

نبحث بجدول حنانك ...

نسأله.موعد ..وصولك ...؟؟

نسأله موعد زهورك ...


* * *