..عام.. داومي اختي على الاستحمام يوميا .. دايما خليك كاشخه حتى البيت لسبك شكلك ترتيب شعرك وقبل استحمامك بنصف ساعه امسحي جميع جسمك كامل بلوشن كريمي أو بزيت زيتون سعودي ..اذا بتسخدمي زيت الزيتون لازم انتاجه سعودي لانه اصلي فعلا ومجرب ويفتح بشكل ماتتخيليه وطبيعي.. اما زيوت الزيتون اللبنانيه والسوريه (القوارير) المستوردات يسمرن .. لانها مزوده زيت حيواني للاقتصاد .. الان هذا اول شغله .. الاستحمام اليومي والنظافه التامه .. صابون استحمامك خليه لايفبوي لانه أصلي وكمان ناعم جدا على الجسم ما يجفف حتى مع كثرة الاستحمام ..ومعطر عطر جميل .. وحبذا لو سنفرة (ملح الحليب) الناعمه جدا على البشرة ..استخدميها يوميا خليها جزء من حمامك بتعطيك ماشاء اللـه صفاء بشرة وبياض طبيعي ونعومه ما تتخيليها ابدا . وفيه بعضهم يضع بودرة عطريه بعد الحمام .. انا مانصحك فيها لانها عطريه فواحه للغايه وهذا يسمر لجله على الجلد مباشرة .. استخدميها ايام الزواج في شهر العسل فقط اذا كنتي غير متزوجه .. او في ايام العسل الشهريه بالنسبه للمتزوجه .. او وقت النوم .. ومانصحك بصابون دوف للاستحمام .. لانه كريمي زيتي للغايه وايضا غير اقتصادي فبشرتك بتتوسخ معاه وكأنك ما تتحمي بيكون جسمك مدهن ومزيت طوال الوقت.!! وفيه منتجات أخرى الشهيرة الاسماء فقط .. كثير منها يجفف مع الحمام اليومي..تنشف الجلد بالمرة.