حلو يا صبايا ، والله خوش اقتراح يا قتاله يا عسانا مانعدمك فكيتي أزمه .. خلاص أنا رقم 7 ، انتبهوا تاخذه بنت غيري !! صراحة أتبارك فيه .. السبع المثاني والسموات سبع والأراضين سبع وألوان الطيف سبعة وعجائب الدنيا سبعة .. وأشواط الطواف والسعي .. وأشياء كثيرة .. عاد مابي بنت تغار وتاخذ رقمي ترا أنا حجزته أول .. يا زمن من جد من جد قريت موضوعك أكثر من مرة وكسر لي خاطري لأن وربي ناس أعرفهم إلى يومك اسم البنت عيب عندهم .. والله ما ينطقونه !! واسم البنت مو مشكلة لأن الحمد لله قليل الناس اللي بعدهم على هالعادة .. لكن سوالف الفلوس اللي تروح حق بهايم !! والله إني ما أقول إلا أن البهيمة اللي شراها أذهن منه ! هي ما عطته ولا ريال ، واهو عطاها شقا عمره !! الجنون الرياضي اللي يوصل على قولتك للعان والفحش في القول !! هذي اللي اي وربي مافي أي تعليق عليها .. مره كذا مباراة مهمة ماأدري عاد نهائي أو لا .. وأشوف واحد وربي بعيوني شايفته ، مغطي روحه بشماغه وحاط ايديه على وجهه ويرتجف رجفة تقولين الموت !!!! يا حسرتي على كورة !!!!! عمومًا ، يارب لك الحمد لا أحصي ثناء عليك أنت كما أثنيت على نفسك .. والله إننا بنعمة واهما ببلاء .. الله يعافيهم يا رب ولا يبلانا .. شكرًا يا زمن .. مانعدمك يا الغالية ..